Unučki Alaksandra Łukašenki pieramahli ŭ litaraturnym konkursie «Hulaj, zima, tvaja časina!». Druhakłaśnica Darja i treciakłaśnica Nastaśsia dasłali na spabornictva kazku pra adnaroha. Napisali pa-biełarusku.

«Vielmi dobraja, pa-dziciačamu naiŭnaja kazka, — kaža siabroŭka žury dziciačaja piśmieńnica Alena Masła. — Pryčym vidać, što dzieci sami pisali. Zvyčajna ž adrazu razumieješ, dzie nastaŭnik dapamahaŭ».

Alena Masła kaža, što była ździŭlenaja, daviedaŭšysia, što dziaŭčynki, jakich jana sama vyłučyła na pieršuju premiju, unučki prezidenta. Śćviardžaje, što nie viedaŭ hetaha j inšy siabar žury — piśmieńnik Anatol Butevič. A voś staršynia žury Uładzimir Lipski viedaŭ, ale na rašeńnie žury heta nijak nie paŭpłyvała: kazka dziaŭčynak sapraŭdy była vartaja pieršaj premii: «Heta sapraŭdy vydatnyja kazački, vydatnyja sačynieńni. Kab usie dzieci našy tak pisali».

Alena Masła całkam paćviardžaje słovy Uładzimira Lipskaha: «Niezaležna adzin ad adnaho my pryjšli da vysnovaŭ pa pieramožcach».

Konkurs ładziŭ muziej Jakuba Kołasa jakraz u honar 130-hodździa z dnia naradžeńnia piśmieńnika. Druhoje miesca zaniaŭ druhakłaśnik Aleś Klikunoŭ, syn pierakładčyka Biełaruskaj asacyjacyi žurnalistaŭ Andreja Klikunova. Klikunovy ŭ siamji havorać tolki pa-biełarusku. Udzielničać u konkursie im prapanavali ŭ škole.

«Cikavaja kampanija vyjšła», — śmiajecca Andrej.

Toje, što ŭnučki prezidenta dobra vałodajuć biełaruskaj movaj, zusim nie dziva — ličyć Aleh Trusaŭ, staršynia Tavarystva biełaruskaj movy: ​​«Vy na 10 hod užo adstajacie ad realnaści. Situacyja kardynalna pamianałasia. Za apošniaje dziesiacihodździe prezident pra movu vykazvajecca tolki dobra. Kali ja vam takija cytaty pakažu, vy padumajecie, što heta Hilevič ci Bykaŭ», — žartuje Aleh Trusaŭ.

Aleh Trusaŭ ličyć, što ŭnučki prezidenta — dzieci stapracentovych biełarusaŭ, pakolki, pavodle staršyni TBM, syny Łukašenki ažanilisia ź biełaruskami i majuć viaskovyja karani.

Ale ž i palityčny momant u pieramozie dziaŭčatak Łukašenak u konkursie biezumoŭna jość, kaža Aleh Trusaŭ: «Pahladzicie, kolki biłbordaŭ ułada pastaviła «Razmaŭlaj pa-biełarusku». Kolki hrošaj na heta patraciła. Heta značyć, jana padkreślivaje: u nas usio dobra ź biełaruskaj movaj».

Kali ž sam Łukašenka zahavoryć pa-biełarusku? «Dyj jon ža pa-rusku nikoli nie havoryć! — śćviardžaje Aleh Trusaŭ. — Pajechaŭ u Maskvu, skazaŭ «hvałt». U jaho biedny zapas rasiejskaj movy. Jak i bolšaja častka našaha narodu, jon razmaŭlaje na trasiancy. Pa-rusku nie moža bieź biełaruskaha akcentu havaryć. Ja voś mahu biez akcentu, a jon nie moža. «Ženššyna» i tak dalej — ruskija tak nie havorać», — padsumoŭvaje staršynia TBM.

Uznaharodžańnie pieramožcaŭ konkursu adbudziecca 18 studzienia ŭ budynku muzieja. Na jaho zaprošanyja ŭsie ŭdzielniki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?