Pieršaja rakietka płaniety biełaruska Viktoryja Azaranka ź pieramohi pačała vystupleńni na pieršym u hetym siezonie turniry sieryi «Vialikaha šlema» — adkrytym čempijanacie Aŭstralii pa tenisu (pryzavy fond — $31 młn.).

Siońnia na kortach «Mielburn-parku» ŭ pajadynku pieršaha raŭnda Viktoryja za 1 hadzinu 27 chviliny ŭpeŭniena pierajhrała rumynskuju tenisistku Moniku Nikulesku (49-y numar suśvietnaha rejtynhu) — 6:1, 6:4. Heta piataja pieramoha biełaruski nad rumynkaj u piaci vočnych sustrečach.

U nastupnym raŭndzie Viktoryja Azaranka zhulaje ź pieramožcam matča pamiž Jeleni Danilidu (Hrecyja, № 94) i češkaj Karalinaj Pliškavaj (№ 119). Hod tamu Viktoryja Azaranka ŭ Mielburnie ŭpieršyniu vyjhrała turnir sieryi «Vialikaha šlema», što dało mahčymaść joj upieršyniu zaniać pieršaje miesca ŭ suśvietnym rejtynhu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?