Nacyjanalny bank Biełarusi admaŭlaje dačynieńnie da praviadzieńnia rozyhryšu siarod karystalnikaŭ Adzinaj raźlikovaj i infarmacyjnaj prastory (ARIP) i zajaŭlaje ab tym, što nie maje dačynieńnia da SMS-rassyłki ab vyznačeńni pieramožcy hetaha rozyhryšu.
Pra heta paviedamili ŭ Nacyjanalnym banku.

Niekatoryja abanienty adnaho ź biełaruskich apierataraŭ mabilnaj suviazi atrymali 14 studzienia SMS z tekstam prykładna nastupnaha źmiestu:

"Vinšujem!!! Pa vynikach akcyi na płaciežnych terminałach z pasłuhaj ARIP Vy stali ŭładalnikam hałoŭnaha pryza. Zvanicie +7(967)-CHCHCH-XX-XX. Infarmacyjny sajt ERIP.lact.ru".
U Nacyjanalnym banku Biełarusi zajaŭlajuć, što heta infarmacyja nie adpaviadaje rečaisnaści, i zaklikajuć hramadzian nie dać siabie padmanuć.
"Nacyjanalnym bankam Respubliki Biełaruś nie pravodzilisia nijakija akcyi pa rozyhryšu pryzoŭ u ARIP. Akcyi, jakija pravodziacca arhanizacyjami (asobami) z padobnaj da ARIP nazvaj źjaŭlajucca niesankcyjanavanymi i niaŭzhodnienymi ni z Nacyjanalnym bankam, ni z Hałoŭnym upraŭleńniem adzinaj raźlikovaj i infarmacyjnaj prastory - asobnaje strukturnaje padraździaleńnie Nacyjanalnaha banka, jakoje ažyćciaŭlaje kaardynacyju i raźvićcio ARIP", - padkreślili ŭ NBB.
Najbolš vierahodna, niejkija sumniŭnyja arhanizacyi vyrašyli vykarystać u karyślivych metach papularnaść u Biełarusi takoj maštabnaj sistemy, jak ARIP.
Pakolki, pavodle danych na pačatak 2013 hoda, u hetym unikalnym prajekcie Nacyjanalnaha banka ŭdzielničajuć usie 27 bankaŭ, jakija akazvajuć pasłuhi pa pryjomu płaciažoŭ ad nasielnictva. Na terytoryi Biełarusi naličvajecca bolš za 13,6 tys. punktaŭ, dzie možna pravieści apłatu bolš jak 50 tys. pasłuh amal ad 4,6 tys. vytvorcaŭ. Tolki za śniežań 2012 hoda pa sistemie ARIP było praviedziena 14,7 młn. płaciažoŭ na sumu bolš jak Br830 młrd.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?