Fota Siarhieja Hudzilina. Kali fatohraf NN słužyŭ u 2010 hodzie, jon jašče zadakumientavaŭ anučy.

Fota Siarhieja Hudzilina. Kali fatohraf NN słužyŭ u 2010 hodzie, jon jašče zadakumientavaŭ anučy.

Rasija madernizujecca: rasijskaja armija da kanca hetaha hoda admovicca ad anuč jak elemienta formy vajskoŭcaŭ. Ab hetym zajaviŭ ministr abarony Rasii Siarhiej Šajhu padčas sielektarnaj narady.

Anučy, pa-rasiejsku «portianki», byli ŭviedzienyja jašče pry cary i dobra znajomyja nie tolki kožnamu rasijskamu mužčynu, ale i ŭsim narodam-satelitam, u tym liku i biełarusam, jakija pastaŭlali sałdat u rasijskuju, a paśla savieckuju armiju.
Jak i kirzačy, jany zastavalisia ŭ harderobie rasijskich sałdat, navat kali ŭsie astatnija armii śvietu, akramia paŭnočnakarejskaj, pierajšli na škarpetki i biercy, jakija zabiaśpiečvajuć lepšy kamfort nahi.
«Da kanca 2013 hoda my pavinny zabyć słova «anučy», — skazaŭ Siarhiej Šajhu.
— Liču važnym vyłučyć na heta dadatkovyja srodki. U pieršuju čarhu zabiaśpiečyć tych, chto słužyć u Sibiry i na Dalokim Uschodzie. Nieabchodna całkam admovicca ad hetaha paniaćcia va ŭzbrojenych siłach».

Zaraz i Rasija zamienić boty i anučy vysokimi čaravikami-biercami i ciopłymi škarpetkami.

Termin słužby abnoŭlenaha kamplektu abmundziravańnia składzie 3-5 hadoŭ, i vajskoŭcy nie zmohuć zabrać jaho dadomu paśla zvalnieńnia ŭ zapas.

Sałdatam i aficeram buduć vydavacca adnolkavyja kamplekty z 19 pradmietaŭ. Na formu viernucca pahony, a voś zorki na ich buduć nie mietaličnymi, a płastykavymi abo našytymi.

Tearetyčna ŭ kamplekt uvachodzić remień, adnak u paŭsiadzionnym žyćci vykarystoŭvać jaho nie buduć i zamieniać na lipučki.

U vajskoŭcaŭ buduć flisavyja niepramakalnyja kurtki i viatroŭki, a ŭ vypadku nieabchodnaści pad ich možna padapranać ucieplenyja kamizelki. Aŭtary prajekta abiacajuć, što pramakać kurtki nie buduć. U dadatak, z prapanovy Siarhieja Šajhu, kapiušony nielha budzie adšpilić ad kurtak, kab ich nie hublali. Što tyčycca hałaŭnych uboraŭ, to prapanavana pakinuć furažku, biaret i zimovuju šapku.

A voś piłotak bolš nie budzie. Zatoje kožnamu sałdatu buduć vydavać bałakłavy — maski na tvar.

Papiaredniaja forma, raspracavanaja madeljeram Valancinam Judaškinym, źjaviłasia ŭ rasijskaj armii pry eks-ministry abarony Anatolu Sierdziukovu. Vajskoŭcy nieadnarazova krytykavali hety varyjant abmundziravańnia.

Novy varyjant vajskovaj formy byŭ prezientavany ŭ rasijskim Minabarony ŭ śniežni 2012 hoda.

U Biełarusi ŭ armii ad anučaŭ kančatkova admovilisia zusim niadaŭna. U niekatorych čaściach jany zastavalisia «na ŭzbrajeńni» da minułaha leta.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?