Urad Biełarusi zajaŭlaŭ pra zabaronu prodažu ŭ 2013 hodzie vin nizkaha hatunku, jakija ŭ pobycie atrymali nazvu «čarniła». Zamiest ich vinzavody pavinny vyrablać «palepšanyja» napoi.
U Homieli, adnak, u mahazinach ź vitryn nie źnikli viny nakštałt «Łaura», «Łučystaje», «Bielickaje» dy inšyja, košt jakich vahajecca ad 12 da 16 tys. rubloŭ.
Viny «Łučystaje», «Łaura» dy im padobnyja prapanoŭvajuć u Homieli ŭsie biez vyklučeńnia mahaziny — «Karzinka», «Rodnaja starana», jakija ŭvachodziać u sietku čatyroch rajonnych akcyjaniernych handlovych tavarystvaŭ.

Havoryć Jula, pradaviec kramy № 21 na vulicy Savieckaj:

«U hetym hodzie pryvozili. Viny hetyja paŭsiadzionnaha popytu vypuskaje homielski vinzavod. Nie viedaju, čym jany horšyja ci lepšyja, čuła, što nie buduć ich pradavać. Kuplajuć ich amatary, i vielmi chutka jany razychodziacca».

Toje ž samaje kaža i śpiecyjalist adździeła śpirtavych napojaŭ mahazina «Karzinka»:

«Kaniečnie, karystajucca popytam, asabliva ŭ viačerni čas, «Łučystaje», viny ŭ vialikich butelkach, naprykład «Nad Sožam».

Va ŭpraŭleńni handlu patłumačyli, što zabarona ŭradu była nie na prodaž, a mienavita na vytvorčaść vin nizkich hatunkaŭ:

«Pastanova była ad 27 listapada 2012 hoda № 1081. Zhadanaj pastanovaj vytvorcam daviedziena nulavaja kvota na vypusk niepalepšanych, macavanych vin. Davajcie hladzieć realna, kali kuplajuć i biaruć — značyć, dachod raście, i my pracujem. A chto vyrablaje, tamu i treba pytańni zadavać: čamu vyrablajecie?»

U firmiennym mahazinie «Kołas» homielskaha vinzavoda kažuć, što nie adčuli na sabie zabarony, praduhledžanaj ŭradavaj pastanovaj, bo i biez taho vypuskajuć palepšanuju pradukcyju:

«Iduć viny palepšanyja i pa śpiectechnałohii. My ich daŭno vypuskajem, tamu nie adčuli na sabie tuju pastanovu, tyja zabarony, jakija raspaŭsiudžvalisia na viny ardynarnyja. Ich u nas prosta niama. Našy viny ŭsie naturalnyja, my tolki naturalnuju syravinu vykarystoŭvajem. Nie vykarystoŭvajem ni farbavalnikaŭ, ni aramatyzataraŭ — ničoha takoha. Usie viny naturalnyja i adroźnivajucca tolki tym, što ŭ adnych bolš naturalnaha bradžeńnia, u druhich — mienš. Heta značyć, bolš zamacoŭvajucca śpirtam abo mienš».

U amataraŭ tannych vin svoj pohlad na jakaść. Pra heta, u pryvatnaści, razvažaje spadar Viačasłaŭ, jaki tolki što nabyŭ try butelki vina «Łaura»:

«Usio adno, što toje bałda, što heta bałda. Kierahazicca niezrazumieła, što i z čym. Aura-Łaura. Paetyčnaja nazva!
A chto była Łaura? Kachanka Piatrarki. Śpirtu tut 18 pracentaŭ, cukru 50 h/ł, charčovaja dabaŭka, antyakiślalnik Je-224. Termin zachavańnia z daty raźlivu — 8 miesiacaŭ. A što heta za vino, kali śpirt? Abiacali, što prybiaruć byrła i pačnuć vyrablać jakasnaje vino.
Dyk ja vam skažu, što hetaje jakasnaje vino ničym nie adroźnivajecca — tolki koštam».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?