Anhlijski scenaryst Majkł Chierst, viadomy pracaj nad sieryjałami «Ciudory», «Jelizavieta» i «Kamiełot» zaniaŭsia napisańniem historyi dla novaha teleprajekta, pryśviečanaha Alaksandru Makiedonskamu.

Anhłamoŭny mini-sieryjał budzie źniaty niamieckimi studyjami ZDF Enterprises, Beta Film i Gruppe 5 Filmproduktion. Ideja filma naležyć Uvie Kierksienu, jaki kiruje partnioru Gruppe 5, jaki zaraz pracuje z Chierst nad kancepcyjaj i scenarami pieršych sieryj.

Čakajecca, što zdymki sieryjała pačnucca ŭ 2014 hodzie. Kožny z 12 epizodaŭ budzie daŭžynioj u hadzinu.

Pavodle Chiersta, historyja cara Staražytnaj Makiedonii źjaŭlajecca vydatnaj —
nie kožnamu kiraŭniku była dadziena mianuška «Vialiki», a, na jaho dumku, Alaksandr byŭ pieršym i, mahčyma, najvialikšym: da 33 hadoŭ jon zavajavaŭ vialikuju častku viadomaha śvietu i byŭ pryznany žyvym boham. «Ale hałoŭnym dla mianie — i dla sieryjała — zastajecca asoba Alaksandra Makiedonskaha jak čałavieka, — raspavioŭ scenaryst. — Vučań Arystociela, naščadak Hierakła, jon usio žyćcio byŭ poŭny sumnieńniaŭ i pytańniaŭ pra pryrodu i sens žyćcia. Hety hieroj staražytnaści praciahvaje słužyć prykładam dla tych, chto i ciapier sprabuje rassunuć miežy čałaviečaha dośviedu».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?