Respublikanskaja Dziaržaŭtainśpiekcyja sa spasyłkaj na hidramieteacentr paviedamlaje, što dniom 15 studzienia i na praciahu sutak 16 studzienia na terytoryi Biełarusi čakajucca składanyja ŭmovy nadvorja. Na bolšaj častcy krainy śnieh, mokry śnieh, pa poŭdni z daždžom, miescami mocny śnieh, hałalod, na darohach hałalodzica.

«U składanych darožnych umovach kiroŭcam nieabchodna być hranična ŭvažlivymi i aściarožnymi za rulom. Padčas mocnych apadkaŭ nieabchodna ruchacca z uklučanym blizkim śviatłom far, vybirać biaśpiečnuju chutkaść i dystancyju, z asablivaj aściarožnaściu ruchacca pa mastach, estakadach i pablizu piešachodnych pierachodaŭ, admovicca ad rezkich tarmažeńniaŭ i manieŭraŭ», — havorycca ŭ paviedamleńni ŭpraŭleńnia DAI MUS Biełarusi.

Dziaržaŭtainśpiekcyja zaklikaje kiroŭcam vykonvać praviły parkoŭki i nie pakidać aŭtamabili na krai prajeznaj častki, kab nie pieraškadžać narmalnamu ruchu transpartu i pracy śniehaŭboračnaj techniki.

Piešachodam taksama varta prajaŭlać pavyšanuju ŭvahu. Pierachodzić darohu tolki va ŭstanoŭlenych miescach. Navat na rehulavanych piešachodnych pierachodach nie pačynać ruch, pakul usie aŭtamabili nie spyniacca. U ciomny čas sutak abaznačać siabie śviatłoadbiŭnymi elemientami.

Viełasipiedystam i vadzicielam mapiedaŭ DAI nahadvaje, što zhodna z praviłami darožnaha ruchu padčas śniehapadu i hałalodzicy ruchacca na dvuchkołavym transparcie zabaroniena.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?