Biełaruskaja kalijnaja kampanija zaklučyła kantrakt z kampanijami Sinochem i CNAMPGC, najbujniejšymi kitajskimi imparciorami minieralnych uhnajeńniaŭ, na pastaŭku chłorystaha kaliju ŭ pieršym paŭhodździ 2013 hoda.

Jak paviedamlajecca na sajcie BKK, zhodna z kantraktam cana chłorystaha kaliju za mietryčnuju tonu składzie 400 dołaraŭ na ŭmovach pastaŭki ŭ port pakupnika (CFR). Abjom — 700.000 ton, a taksama apcyjon 300.000 ton. Termin pastaŭki: 15 studzienia — 30 červienia.

«Pahadnieńnie pamiž najbujniejšymi vytvorcami kalijnych uhnajeńniaŭ i kitajskimi imparciorami tradycyjna ŭsprymajecca ŭ halinie jak asnoŭny cenavy aryjencir, jaki istotna ŭpłyvaje na ŭzrovień aktyŭnaści na suśvietnym kalijnym rynku. Naš prahnoz na najbližejšuju pierśpiektyvu pazityŭny, halina budzie pastupova adnaŭlacca, abjom spažyvańnia — raści», — prakamientavaŭ ździełku hienieralny dyrektar ZAT «BKK» Valeryj Ivanoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?