Biełvideacentr zapuskaje sieryju videafilmaŭ «Historyja biełaruskaj straŭni» 5

U internecie źjaviŭsia pieršy film z cykła «Historyja biełaruskaj straŭni» — «Miasnyja prysmaki». Heta napałovu kulinarnaja, napałovu mastackaja stužka, źniataja režysioram Alaksiejem Rakovičam, pavodle biełaruskich kulinarnych knih, u tym liku "Litoŭskaj haspadyni" i "Našaj stravy". Sieryja filmaŭ heta supolny prajekt Ministerstva kultury i Biełaruskaha videacentra.

«Naša zadača — pakazać, jak pryhoža žyli biełarusy ŭ XIX stahodździ, — kaža spadar Rakovič. — Da prajektu dałučylisia Taćciana Šachaviec, Aleś Bieły i Taša Łapacienka. Spačatku płanavałasia, što heta budzie kulinarny prajekt, adnak paśla jon pieraros u napałovu mastacki".

Padrychtavanyja ŭžo try filmy — pra miasnyja prysmaki, pra pažyŭnyja stravy (supy) i pra bulbu.

«Jak pakazała naša fokus-hrupa, hety film cikavy nie tolki amataram historyi i kulinaryi, — kaža spadar Rakovič. — Usio ž taki stužka hladzicca jašče jak i zabaŭlalny film. My vielmi ŭdziačnyja hurtam «Trojca», «Jurja» i «Harotnica», čyja muzyka vydatna dapaŭniaje film. Zdymali stužki ŭ Stročycach, mocna dapamahła straŭnia «Kamianica».

Płanujecca vypuścić film na DVD, nieŭzabavie adbudziecca jahonaja prezientacyja.

Pahladzieć film možna tut.

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH