Viarchoŭny sud Pakistana vydaŭ ordar na aryšt premjer-ministra krainy Radžy Piervieza Ašrafa i jašče 15 čynoŭnikaŭ, jakich abvinavačvajuć u karupcyi.
Śćviardžajecca, u pryvatnaści, što Ašraf u 2010 hodzie, znachodziačysia na pasadzie ministra enierhietyki, braŭ chabar u abmien na ŭchvaleńnie roznych enierhietyčnych prajektaŭ.
Ciapierašni premjer usie abvinavačvańni ŭ svoj adras admaŭlaje.
Na dumku analitykaŭ, niahledziačy na sudovaje rašeńnie, naŭrad ci adrazu ŭdasca źniać Ašrafa z pasady.
Raniej papularny pakistanski bahasłoŭ Tachir Kadry ŭznačaliŭ šmattysiačnuju manifiestacyju ŭ Isłamabadzie, udzielniki jakoj patrabavali adstaŭki ŭrada, uzmacnieńnia baraćby z karupcyjaj i reformy vybarčaha zakanadaŭstva.
Pakistanskaje telebačańnie pakazała, jak pratestoŭcy radujucca i apładyrujuć, daviedaŭšysia pra rašeńnie suda.
