Jeŭraradyjo znajšło śviedku padziejaŭ [adbylisia viečaram 2 studzienia na pieršaj linii mietro i mieli vialiki rezanans], jaki siadzieŭ nasuprać, pobač z maci invalida.

Što vy bačyli? Dzie znachodzilisia, kali adbyłasia bojka?

Śviatasłaŭ: Ja siadzieŭ naŭprost nasuprać maładych ludziej. Mama invalida siadzieła sprava ad mianie. Kali ja padniaŭ hałavu, jany ŭžo bilisia.

Mnie vielmi nie spadabałasia, kali pisali, što jany ŭdvuch jaho źbivali i bili nahami. Takoha nie było! Jany sčapilisia, i chłopiec razy 3–4 udaryŭ u tvar.
Raźbiŭ niasłaba, usia kurtka była ŭ kryvi. Ale ich adrazu pačali raźnimać.

Chto raźnimaŭ?

Śviatasłaŭ: Dziaŭčyna, jakaja ź imi była, i chłopiec taksama, voś hety jahony siabar. Jon nie biŭ invalida, jon supakojvaŭ siabra svajho. A invalidu, kali ŭrezaŭ u tvar, toj adrazu «papłyŭ». Chłopiec hety byŭ razzłavany, heta było bačna.

Jak vyhladaŭ źbity?

Śviatasłaŭ:

Taki zdarovy pracavity mužyk, na vyhlad. Zvyčajny siaredniestatystyčny rabaciaha, taki šyroki ŭ plačach, ščylna źbity, kiłahramaŭ pad 90 ci bolej.

Ci bačyli vy, jak jon zachodziŭ u vahon?

Śviatasłaŭ:Nie bačyŭ, ja ŭ hety momant SMS pisaŭ. Ja zrazumieŭ, što jon invalid, kali maci jahonaja pačała kryčać, što jon invalid I hrupy. Kryčała: nie čapajcie jaho, jon ža invalid, jon ničoha nie zrabiŭ. Nie bicie jamu ŭ hałavu, u jaho tam kaściej niama.

Žančyna siadzieła ŭvieś hety čas pobač z vami?

Śviatasłaŭ: Ja nie razumieju, čamu jana siadzić, a jon staić. Ale jana siadzieła. A kali heta pačałosia, jana padskočyła i pačała raźnimać. Ale jana navat nie raźnimała, a bolš da chłopca namahałasia dastać, u tvar jamu lezła.

Z čaho raspačaŭsia kanflikt? Śviatasłaŭ: Hetaha ja nie bačyŭ. Ja nie čuŭ, što jon kazaŭ. Čuŭ tolki, jak siabry chłopcu hetamu kazali: supakojsia. I kazali: chadziem-chadziem. Jany na «Płoščy Pieramohi» vyjšli.

A źbity chłopiec z maci dzie?

Śviatasłaŭ: Na nastupnaj stancyi. Jany vyrašyli, što jamu terminova patrebnaja dapamoha, i vyjšli.

Ci šmat było kryvi?

Śviatasłaŭ: Kryvi było vielmi šmat, usia kurtka była ŭ kryvi. Jon jamu nad bryvom łob raźbiŭ.

Chłopiec hety, Alaksiej, kaža, što ŭ jaho tvar taksama byŭ u kryvi. Heta praŭda?

Śviatasłaŭ: Tak, u jaho štości było padrapana.

Čamu ž vy nie pačali raźnimać?

Śviatasłaŭ: Tam takaja situacyja, što mužčyna pačaŭ raźnimać. Dy i heta adbyłosia ŭsio vielmi chutka. Jon udaryŭ razy try i pierastaŭ, invalid sieŭ, a jon adyšoŭ.

Šmat chto prosta ŭ šoku, bo nichto nie zastupiŭsia za invalida pieršaj hrupy. Čamu nichto nie zastupiŭsia?

Śviatasłaŭ:

Dy reč u tym, što jak možna zastupicca, kali chłopiec na vyhlad hadoŭ 17 i mužyk hadoŭ 40 na vyhlad. Ich prosta raźnimali. U mianie nie było ŭ hałavie dumki za jaho zastupicca, bo jon vyhladaŭ jak zdarovy mužyk.
Ja nie tak sabie ŭjaŭlaŭ invalida pieršaj hrupy, ale źniešnaść apynułasia padmanlivaj.

Kali hetaja kampanija vyjšła, što dalej było?

Śviatasłaŭ: Kali jany vychodzili, maci (invalida.) ich pasprabavała spynić. Ale jany vyjšli. Adrazu da jaho padyšła dziaŭčyna, jon siadzieŭ na samym krajku, a maci pobač stajała. Ludzi pačali małoć jazykami. Skazali: vychodźcie na nastupnaj, jon ža kryvioju sychodziŭ, vyklikajcie «chutkuju».

A hetych maładzionaŭ chtości namahaŭsia zatrymać?

Śviatasłaŭ: Nie. U mianie, kali ščyra, nie ŭźnikła žadańnia ich zatrymlivać. Ja nie viedaju…

Heta vielmi ciažka — što praŭda, što nie, ale mnie tady zdavałasia, što hety chłopiec mieŭ racyju.

A što ludzi abmiarkoŭvali?

Śviatasłaŭ: Zbolšaha maci hałasiła: «Dy jak ža tak?». A ludzi kazali, što treba kroŭ spynić. Chtości kazaŭ: «Navošta tak mocna bić?»

U jaki momant vy źviarnuli ŭvahu na kanflikt?

Śviatasłaŭ: Ja bakavym zrokam zaŭvažyŭ, što ludzi rasstupilisia, i tady padniaŭ hałavu.

I što vy pabačyli?

Śviatasłaŭ: Ciažka ŭzhadać, što było ŭ pieršy momant. Jany tam sčapilisia spačatku, paciahali adzin adnaho. Potym ja ŭžo ŭbačyŭ, jak jon biŭ jaho ŭ tvar.

Za što jany adzin adnaho schapili?

Śviatasłaŭ: Nu, za kurtki, zahrudki.

Chłopiec nanios try ŭdary? A invalid upaŭ?

Śviatasłaŭ: Nie, jon stajaŭ. A paśla jon prosta sieŭ.

I kolki heta praciahvałasia pa časie?

Śviatasłaŭ: Toje, što ja bačyŭ, siekund 6–7.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?