Pavodle źviestak departamienta vieterynarnaha i charčovaha nahladu Ministerstva sielskaj haspadarki i charčavańnia, na terytoryi Danii zarehistravanyja vypadki zachvorvańnia ptušak na vysokapatahienny hryp (N7).

Tamu ŭviedzienyja časovyja abmiežavańni na ŭvoz z Danii žyvoj ptuški, inkubacyjnaha jajka, dzikich, zaaparkavych i cyrkavych žyvioł, miasa ptuški, jaječnaha parašku, miełanžu, albuminu i inšych charčovych praduktaŭ pierapracoŭki kurynaha jajka, pucha i piara, karmoŭ i karmavych dabavak z ptuški, karmoŭ raślinnaha pachodžańnia, palaŭničych trafiejaŭ (ptušynaja dzičyna), a taksama byłoha va ŭžyvańni abstalavańnia dla ŭtrymańnia, zaboju i raździełki ptuški. Raniej vydadzienyja dazvoły na ŭvoz takich tavaryŭ admienienyja.

U Bałharyi zarehistravany vypadak zachvorvańnia ptušak na chvarobu Ńjukasła.

U suviazi z hetym uviedzieny časovyja abmiežavańni na ŭvoz u Biełaruś z hetaj krainy žyvoj ptuški, inkubacyjnaha i charčovaha jajka, miasa ptuški, usich vidaŭ ptuškahadoŭčaj pradukcyi i praduktaŭ jaje pierapracoŭki, puchu i piara, karmoŭ i karmavych dabavak žyviolnaha pachodžańnia, u tym liku z ptuški. Raniej vydadzienyja dazvoły taksama anulavanyja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?