U Homieli zatrymali piać chłopcaŭ, jakija ŭviečary 27 lipienia ŭ centry horadu pisali krejdaj na asfalcie deviz «Za niezaležnuju Biełaruś!».
Heta adbyłosia a 19.00 kala pomnika Kiryłu Turaŭskamu na płoščy Lenina. Chłopcy pisali nia prosta tak: jany chacieli nahadać pra hadavinu pryniaćcia Deklaracyi ab suverenitecie Biełarusi. Adnak da ich padyšli ludzi ŭ cyvilnym i zapatrabavali prajśjci za imi.
Junakoŭ zaviali ŭ niejki budynak kala medyčnaha ŭniversytetu i tamaka dapytali. Praz hadzinu chłopcaŭ adpuścili.
Musić, telefony hetych maładzionaŭ prasłuchoŭvalisia, bo adnaho ź ich zatrymali ŭ toj dzień dvojčy. Udzień u inšaj kampanii jon malavaŭ bieł‑čyrvona‑bieły ściah, taksama krejdaj, na Kijeŭskim spusku ŭ centralnym parku Homiela.