Jak piša rasijski apazicyjny žurnalist Siarhiej Parchomienka, dysiertacyja Lebiedzieva «litaralna da stupieni źmiešvańnia» nahadvaje dysiertacyju Michaiła Kornieva «Daminujučyja faktary partyjnaha budaŭnictva ŭ sučasnaj Rasiei», jakaja była abaroniena na hod raniej.

«Zapazyčvańni (viadoma ž, biez usiakich dvukośsiaŭ i spasyłak), pačynajucca prosta ź pieršych radkoŭ aŭtarefierata dysiertacyi. Niepasredna paśla standartnaha padzahałoŭka «Aktualnaść temy daśledavańnia» pačynajucca frazy z dysiertacyi Kornieva, skradzienyja Lebiedzievym biez najmienšych źmienaŭ. Prosta hoły kopipast… I hatova. Staŭ doktaram fiłasofii», — piša Parchomienka.

Žurnalist taksama daje ŭ svaim tekście 2 spasyłki: na aŭtarefierat Kornieva i na anałahičnuju pracu Lebiedzieva.

Uładzimir Žyrynoŭski voś užo amal 25 hadoŭ uznačalvaje psieŭdaapazicyjnuju Libieralna-demakratyčnuju partyju Rasii i pazicyjanuje siabie jak ekscentryčnaha nacyjanalistyčnaha palityka. Takaja kłoŭnskaja pazicyja dazvalaje jamu štoraz zajmać miesca ŭ parłamiencie. Niekatoryja analityki śćviardžali, što ŁDPR była stvorana jašče savieckim KHB u jakaści sparynh-partniora dla słabiejučaj KPSS. Uładzimir Volfavič Žyrynoŭski ŭ svoj čas prasłaviŭsia svaim adkazam na pytańnie pra svajo pachodžańnie. «U mianie mama ruskaja, a tata — juryst». Ciapier jon moža z honaram dadać: a syn — śviaciła navuki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?