Bresckija mytniki zatrymali dvuch chłopcaŭ, Ułada Hurynoviča i Rusłana Jasajeva, jakija viartalisia z sustrečy «Dzień biełaruskaj Vikipiedyi ŭ Varšavie», što prachodziła ŭčora ŭ kaledžy Collegium Civitas u Pałacy Kultury i Navuki.
Uład Hurynovič — student EHU, Rusłan Jasajeŭ — student BDEU. Nahodaj dla «bdzieńnia» achoŭnikaŭ miažy stali knihi «Biełaruś u fokusie: Vačyma mižnarodnych žurnalistaŭ». Kniha składajecca z artykułaŭ žurnalistaŭ ź inšych krain, jakija pisali pra Biełaruś.
Adzin z zatrymanych napisaŭ siabru «Ukantakcie»: «Nas zatrymali biez tłumačeńnia pryčyn, adabrali knihi i pašparty. Jany mianie prapuścili, a ŭ torbie Uładzia knihu zaŭvažyli. Pabačyli, što ŭ nas torby adnolkavyja i adrazu za mnoju pabiehli».
Na pytańnie, čamu ich zatrymali, mytniki adkazali nastupnym čynam: «U vašych knihach mahła ŭtrymoŭvacca krytyka dziejučaj ułady».

Na dadzieny momant u chłopcaŭ uziali piśmovyja tłumačeńni, ale nie adpuskajuć.

* * *

Paśla niekalkich hadzinaŭ zatrymańnia studentaŭ vypuścili.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?