Sama Kłaskoŭskaja dała telekanału Biełaruś-1 telefonnaje intervju.

Jak paviedamlałasia, ułady Šviecyi admovili Volzie Kłaskoŭskaj, jakaja vydaje siabie za žurnalistku i dziajačku biełaruskaj apazicyi, u vidzie na žycharstva.

Pieršy raz jana atrymała palityčny prytułak u Jeŭrasajuzie, karystajučysia najaŭnaściu ŭ jaje publikacyj u niezaležnych ŚMI, a druhi raz sprabavała atrymać vid na žycharstva na hruncie svajho novaha šlubu, zaklučanym z turkam, jaki žyvie ŭ Šviecyi. Adnak pavodle šviedskaha zakanadaŭstva heta nie daje padstavy dla atrymańnia vidu na žycharstva. Da taho ž, jak vyhladaje, z novym mužam Kłaskoŭskaja ŭžo nie žyvie. Prynamsi, šviedskija orhany apieki paličyli stanovišča siamimiesiačnaha dziciaci nastolki niebiaśpiečnym dla jaho zdaroŭja i vychavańnia, što adabrali jaho ŭ mamy. Darečy, pieršaja emihracyja Kłaskoŭskaj supravadžałasia prykrym kanfliktam z baćkam jaje pieršaj dački, jaki nie pahadžaŭsia na adjezd dziciaci i sprabavaŭ dabicca jaje viartańnia ŭ Biełaruś.

Tady ŭ ŚMI Kłaskoŭskaja padavała kanflikt jak palityčny zakaz suprać jaje.

U adkaz na rašeńnie šviedskich uładaŭ Kłaskoŭskaja vystupiła z šeraham hučnych publikacyj na internet-sajtach z rezkaj krytykaj zachodnich krain i ich palityki ŭ dačynieńni da mihrantaŭ. Niahledziačy na toje, što, pa słovach Kłaskoŭskaj, jana ŭciakała z «biełaruskaha raju», ad «represij», jaje publikacyi pryciahnuli ŭvahu łukašenkaŭskaj prapahandy.

Клас
0
Панылы сорам
0
Ха-ха
0
Ого
0
Сумна
0
Абуральна
0