Čarhovy prakoł na minułym tydni zdaryŭsia na telekanale ONT.
U viečarovaj prahramie «Naši novosti» ŭ subotu 28 lipienia byŭ pakazany repartaž pra spłaŭ pa race Nioman łodki, jakuju pabudavali rabočyja huty «Nioman» ź Biarozaŭki.
U repartažy prahučeła nastupnaja fraza:
«Łodka biarozaŭskich majstroŭ — pamienšanaja kopija znakamitaj łodki «Ra», na jakoj narveski padarožnik Tur Chiejerdał razam z Hienrykam Sińkievičam amal sorak hadoŭ nazad pierasiekli Atłantyčny akijan».
Nasamreč polski piśmieńnik biełaruskaha pachodžańnia Hienrych Siankievič pamior ŭ 1916 h., u toj čas Turu Chiejerdału było ŭsiaho dva hady.
Na łodcy «Ra» razam z narvežcam Chiejerdałam jeździŭ Jury Siankievič, viadomy biełaruskamu hledaču pa prahramie «Klub padarožnikaŭ», jakaja šmat hadoŭ išła na roznych rasiejskich telekanałach. Pamyłka na sajcie na 13.20 nie była vypraŭlenaja.
Nahadajem, što na minułym tydni ONT užo zrabiŭ adzin prakoł, vybiŭšy barysaŭski BATE ź Lihi čempijonaŭ.
