Rasijskaje AAT «Minieralna-chimičnaja kampanija «JeŭraChim» moža nabyć błok-pakiet akcyj AAT «Hrodna Azot».
Pra heta na pres-kanfierencyi 19 lutaha ŭ Minsku paviedamiŭ staršynia Dziaržaŭnaha kamiteta pa majomaści Hieorhij Kuźniacoŭ.

«Ja nie mahu skazać, što tak budzie na samoj spravie, heta maje mierkavańni», — skazaŭ jon. Pry hetym čynoŭnik adznačyŭ, što «narmalna stavicca da hetaj kampanii». «Mnie padabajecca, što jaje kiraŭniki źjaŭlajucca vychadcami ź Biełarusi, jakim nieabyjakavy los našaj Radzimy», — adznačyŭ Kuźniacoŭ.

Staršynia kamiteta paviedamiŭ, što pytańni pryvatyzacyi AAT «Hrodna Azot» abmiarkoŭvajucca dva-try hady.
Pavodle jaho słoŭ, havorka idzie pra toje, kab u jaje vyniku pravieści madernizacyju zavoda i pavialičyć vytvorčaść u dva razy.
Na hetyja mety nieabchodna prykładna 1–1,5 młrd. dołaraŭ ZŠA.
Pavodle słoŭ Kuźniacova, u Biełarusi «ciapier takich hrošaj niama». Čynoŭnik nie vyklučaje, što rasijskaja kampanija nabudzie 25% plus adnu akcyju «Hrodna Azota» i dalej budzie ŭkładvać inviestycyi ŭ madernizacyju zavoda.

Jon dadaŭ, što prodaž akcyj budzie ažyćciaŭlacca pa rynačnaj canie, ale acenka pradpryjemstva budzie ažyćciaŭlacca paśla adpaviednaha rašeńnia na ŭzroŭni kiraŭnictva krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?