—Letaś ja zdała čarnic na 1,5 miljona rubloŭ, sioleta — pakul što na 500 tysiač, ‑‑ kaža Lija Rolič, žycharka Maładziečanskaha rajona. ‑‑ Dobra, što ŭ hetym hodzie prymajuć pa vysokaj canie — pa «piaciorcy» za kiłahram, a heta ž žyvyja hrošy!

Maładziečanskaje rajpa surjozna padrychtavałasia da siezona narychtovak: na pracu ŭ jakasci narychtoŭščykaŭ pryniatyja dvaccać čałaviek, da pracesu padklučanyja ŭsie 82 pradpryjemstvy handlu rajona, dadatkova nabyta bolš za 800 adzinak tary. Jak paviedamiła načalnik adździeła narychtovak Maładziečanskaha rajpa Tamara Siańko, «čatyry tony zamarožanych jahad ekspartavanyja ŭ Litvu, astatnija byli adpraŭlenyja na Maładziečanski charčovy kambinat».

PUP «Maładziečanski charčovy kambinat» — adno z bujniejšych pierapracoŭčych pradpryjemstvaŭ Biełkaapsajuza. Abnoŭlenaja techničnaja baza i vykarystańnie z 2004 hoda technałohii šokavaj zamarozki čarnic dazvalaje kambinatu składać mocnuju kankurencyju aptovym eksparcioram na Zachad.

Pa hetaj technałohii jahady prachodziać niekalki stupieniaŭ ačystki na śpiecyjalnym ahrehacie, paśla čaho fasujucca ŭ zapłambavanyja pakiety i zachoŭvajucca niekatory čas u maraziłcy. Tempieratura tam dasiahaje «minus 22 — minus 24» hradusy. Takaja hłybokaja zamarozka dazvalaje zachavać usie karysnyja jakasci jahady i paźbiehnuć prablem pry transparciroŭcy. Štohod 90 pracentaŭ ad abjomu pryniatych kambinatam čarnic nakiroŭvajecca ŭ krainy Bałtyi, Polšču, Hiermaniju. Z astatniaj syraviny kambinat vyrablaje soki, džem, vareńnie, praciortyja z cukram jahady dla biełaruskaha spažyŭca. Vialikim popytam karystajecca šklanoje kansiervavańnie. Z hetaha hoda sok z čarnic razlivajecca ŭ šklanki jeŭrapiejskaha ŭzoru — jomistaściu 0,74 litra i z zakrutkaj typu «tvist‑of».

— Technałohija hłybokaj zamarozki pierśpiektyŭnaja i rentabielnaja, — havoryć Taćciana Bobryk, namiesnik dyrektara pa ekanomicy Maładziečanskaha charčkambinata. Letaś prybytak ad vytvorčasci skłaŭ 20 pracentaŭ, u hetym — 15. U pierśpiektyvie na nastupny hod — pavieličeńnie chaładzilnaj bazy. U płanach — ustanaŭleńnie abstalavańnia kłasa A. Sprava ŭ tym, što ŭ Jeŭropie čarnicy padzialajucca na hatunki, vyšejšy ź jakich hatunak A. Jaho prykmieta — adsutnaść na jahadach tak zvanych «antenak». Užo hučała prapanova ad našych pastajannych klijentaŭ uźniać uzrovień ačystki da takoj miažy, što, niesumnienna, pavialičyć sabiekošt syraviny. Ideja pakul abmiarkoŭvajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?