Michaś Mušynski. Tekstałohija tvoraŭ Janki Kupały i Jakuba Kołasa. Minsk, «Biełaruskaja navuka», 2007. 336 s.

Hetaja kniha składajecca z artykułaŭ prafesara Mušynskaha apošnich piatnaccaci hadoŭ, pryśviečanych prablemam tekstalohii. Praca čytajecca jak detektyŭ — u joj raśśledujecca historyja i varunki paśmiarotnaha pieravydańnia tvoraŭ klasykaŭ sa źmianieńniami, analizujucca praŭki ŭ rukapisach, vyśviatlajecca, jakija z versij tvoraŭ — najbližej da aŭtarskich.

Rychtujučy Poŭny zbor tvoraŭ Janki Kupały ( u 9 tamach) i novy Zbor tvoraŭ Jakuba Kołasa (u 20 tamach), prafesar zrabiŭ niamała adkryćciaŭ. Naprykład, u pryvatnaj biblijatecy vučanicy Kołasa jon natrapiŭ na nieviadomuju biblijahrafii redakcyju «Novaj ziamli» 1941 hodu.

Manahrafija Michasia Mušynskaha pradajecca ŭ «Akademknizie» i kaštuje 13 170.

Nadzieja Dziemidovič. Uspaminy serca majho. -- Miensk, 2006. - 140 s.

Choć kniha vyjšła hod tamu, ale jaje varta lišni raz zhadać.

Veteran biełaruskaha vyzvolnaha ruchu i były palitviazień, Nadzieja Dziemidovič vydała ŭspaminy z roznych peryjadaŭ svajho žyćcia. Za ŭdzieł u Sajuzie biełaruskaj moładzi 23‑hadovaja Nadzieja atrymała 25 źniavoleńnia ŭ 1950 h.. Pra atmasferu moładzievaj rezystencyi 1940‑ych i pra žachi stalinskich turmaŭ dy kanclahieraŭ — asabliva praniźlivyja teksty.

Nadzvyčaj kaštoŭnymi padajucca jaje ŭspaminy pra sučaśnikaŭ: Siarhieja Novika‑Piejuna i Michasia Ličko.

Kniha kaštuje 2 500. Jość u niezaležnych raspaŭsiudnikaŭ.

Natałka Charytaniuk

Клас
0
Панылы сорам
0
Ха-ха
0
Ого
0
Сумна
0
Абуральна
0