Vydaču stabilizacyjnaha kredytu Biełarusi abstavili palityčnymi i ekanamičnymi ŭmovami. A ŭ sieradu «Hazprom» abvieściŭ, što ad piatnicy jon na 45 % źmienšyć padaču paliva Biełarusi.
«Hazprom» nakiravaŭ novapryznačanamu staršyni «Biełtranshazu» list z paviedamleńniem, što maje namier z 3 žniŭnia abmiežavać padaču paliva praparcyjna faktyčnaj apłacie — na 45%.
Paviedamlajecca, što «TAA «Hazpromekspart» paviedamiła pra svajo rašeńnie datyčna Biełarusi i zamiežnym spažyŭcam hazu. «Hazprom» zrobić usie mahčymyja zachady dziela transpartavańnia rasiejskaha hazu cieraz terytoryju Biełarusi całkam zhodna z najaŭnymi abaviazkami pierad eŭrapiejskimi pakupnikami». Heta adkrytaja pieraściaroha ad pierakryćcia hazavaha ekspartu ŭ Eŭropu.
Eŭrasajuz nieadkładna zaklikaŭ Rasieju i Biełaruś «vyrašyć sprečku mirnym šlacham».
Ahulnaja zapazyčanaść Biełarusi za haz składaje 456 miljonaŭ dalaraŭ. Z pačatku hodu Biełaruś pa damoŭlenaści z rasiejskim manapalistam apłočvała tolki 55% koštu paliva. Astatniaje musiła być vypłačana da 23 lipienia, paśla spłaty «Hazpromam» 625 młn za akcyi «Biełtranshazu». Hrošy pastupili na rachunak biełaruskaha ŭradu ŭ červieni, adnak Biełaruś svaich abaviazkaŭ nia vykanała. Heta dało «Hazpromu» farmalnyja padstavy dla stvareńnia čarhovaj hazavaj zavaruchi.
Stała vidavočna, što vizyt biełaruskaha premjera ŭ Maskvu 30 lipienia byŭ pravalnym. Maskva abstaviła zhodu na vydaču stabilizacyjnaha kredytu Biełarusi palityčnymi i ekanamičnymi ŭmovami.
