 |
U Mineapalisie (štat Minesota, ZŠA) u sieradu ŭ hadzinu piku, a 18.00 pa miascovym časie, abrynuŭsia vaśmipałosny aŭtamabilny most cieraz raku Misisipi. U raku i na nabieražnuju z 20‑metrovaj vyšyni źlacieli kala 100 pasažyraŭ z mašynami. Źvierchu ich nakryła abłomkami kanstrukcyj. Zahinuli pa roznych dadzienych ad šaści da dziesiaci čałaviek, paranienyja kala 100 čałaviek. Šaściora znachodziacca ŭ krytyčnym stanie.
Mnohija raźbilisia pry ŭdary ab ziamlu ci patanuli ŭ vadzie. Adzin hruzavik ab udary ab ziamlu ŭzarvaŭsia. Pačaŭsia mocny pažar.
Most cieraź Misisipi byŭ pabudavany ŭ 1967 h. Apošnim časam tut vialisia ramontnyja raboty, ale jany nasili kasmetyčny charaktar. Hubernatar Minesoty Cim Palenci zajaviŭ, što heta katastrofa histaryčnaha maštabu;.
U Minieapalisie žyvie biełarus palaszuk, jaki ŭ svaim LJ zanatavaŭ: «Mineapaliskaja katastrofa za 1 km ad majoj chaty. Supakoj, Hospadzie, dušy zasnułych słuhaŭ. (…) Nahadvaje pačućcio, jakoje ja mieŭ pad čas 7/7/2005 u Londanie».
