Uskraina
- Za lasami‑ŭzhorami,
Za sivymi zorami
Jahadaj niaśpiełaju
Śpić kraina biełaja.
- Z poŭniaj raźminułasia,
Chmaraj zaharnułasia,
Hołas pachavaŭšaja,
Voli nie paznaŭšaja.
- A była šlachietnaju,
Honaram admietnaja,
Mocnaja i volnaja,
Da navuki zdolnaja.
- Našaj uskraina była!
- Abłoki honie viecier‑hun,
Zabyŭsia jon, što jość Piarun,
Zabyŭsia, što čakaje nas
Surmy praciahły śpieŭny čas.
- Moj syn maŭčyć,
maŭču i ja:
Navokał skroź — kalonija.
Kaleje ŭ studzieńskaj vadzie
Piarścionak zhublenych nadziej.
Kalevała
- U biełaj krainie zaleva —
Nia bliśnie ni sprava, ni źleva.
Takaja voś Kalevała —
Nas mała, nas mała, nas mała.
- Doždž idzie i čas idzie
Ŭ našym biełym horadzie.
- Cikuje hadzińnika voka
Za ŭsim, što viruje navokał.
I jak by ty nas ni šukała —
Nas mała, nas mała, nas mała.
- Doždž idzie i čas idzie
Ŭ našym biełym horadzie.
- Čakaju tajemnaha znaku
Nibyta hałoŭny arakuł,
Kab recham litańnie źnikała —
Nas mała, nas mała, nas mała.
- Doždž idzie i čas idzie
Ŭ našym biełym horadzie.
- Doždž skončycca abaviazkova,
Viasiołki zaźziaje padkova.
Takaja voś, brat, Kalevała —
Nas šmat, dzie zdavałasia mała,
Nas šmat, dzie zdavałasia mała,
Nas šmat, dzie zdavałasia mała.
Nas šmat…
- Doždž idzie i čas idzie
Ŭ našym biełym horadzie.
0
0
0
0
0
0
