Premjer‑ministr Siarhiej Sidorski ŭ aŭtorak u časie pajezdki pa Bresckaj vobłaści aznajomiŭsia z arhanizacyjaj u Biarozie novaj vytvorčaści na RUVP «Biarozatara» i razhledzieŭ chod realizacyi inviestprajekta na ZPUVP «Frandesa».
Na pradpryjemstvie «Biarozatara» 1 vieraśnia biahučaha hoda budzie zapuščany ŭ ekspłuatacyju cech łakiravańnia i litahrafii charčovaj blachi. Na hety čas užo zmanciravana pieršaja linija pa łakiravańniu, zaviaršajecca mantaž niamieckaha drukarskaha abstalavańnia. Z uvodam novaha cecha ŭ ekspłuatacyju pradpryjemstva pry vyrabie charčovaj mietaličnaj tary zmoža admovicca ad papiarovych etykietak, malunak budzie nanosicca niepasredna na blašanku abo nakryŭku. Mahutnaść novaha abstalavańnia składaje 10 młn. listaprahonaŭ u hod, košt abstalavańnia — kala 5 młn. jeŭra.
Na ZPUVP «Frandesa» realizujecca inviestycyjny prajekt pa stvareńniu ajčynnaj vytvorčaści chimičnych srodkaŭ achovy raślin. Heta pradpryjemstva niadaŭna adkryłasia ŭ horadzie Biarozie. U hetym hodzie «Frandesa» pačnie vypuskać dva vidy preparataŭ hrupy hierbicydaŭ. A ŭ nastupnyja dva hady tut płanujecca naładzić vypusk piaci piestycydnych preparataŭ, u tym liku funhicydaŭ i insiektycydaŭ, raspracavanych Nacyjanalnaj akademijaj navuk.
