Charvaty chočuć vykarystoŭvać pčołaŭ dla razzbrojvańnia minnych paloŭ, jakija zastalisia paśla vajny na Bałkanach
Pčołaŭ možna navučyć znachodzić miny — ličyć prafesar Nikoła Kiežyč z Zahrabskaha ŭniversytetu, jaki kaardynuje daśledvańni zdolnaściaŭ vusiakoŭ, što da hetaha času niedaaceńvalisia. Pakul što pčoły palujuć na vybuchovyja zarady na testavych palach. — My majem daskanałyja vyniki i ličym, što vydatki na raźminiravańnie krainy značna źmienšacca — pierakonvaje prafesar. Na žal, — adznačaje jon — pčoły jašče niedastatkova adčuvalnyja, kab pracavać u jakaści sapioraŭ, adnak jany robiać pośpiechi.
Paśla Bałkanskaj vajny 1991‑95 hh. u Charvatyi ŭsio jašče zastałosia kala 250 tys. minaŭ. Navukoŭcy z hrupy prafesara Kiežyča vučać vusiakoŭ znachodzić vybuchovyja rečyvy, źmiaščajučy nievialikija porcyi tratyłu ŭ kantejnery la ich karmušak. Pčoły pavinny navučycca raspaznavać pach zaradaŭ. Kali niedzie paśla čatyroch dzion treninhu nasiakomyja ŭžo paznajuć pach, ich vypuskajuć na testavyja pali. Ich palot rehistruje termavizyjnaja kamera. Dziakujučy zapisam možna identyfikavać miescy, dzie pčoły pačuli tratył. Kali daśledavańni zavieršacca paśpiachova, pčoły ŭ budučyni buduć dapamahać sapioram.
Charvatyja pavinna ačyścić svaju terytoryju ad minaŭ da 2009 h., ale, pavodle ŭładaŭ, heta praciahniecca jašče niekalki dziesiacihodździaŭ i budzie kaštavać kala 1,3 młrd. eŭra. Tolki ŭ minułym hodzie Zahrab vydatkavaŭ na hetyja mety 35 młn. eŭra. Z časoŭ zakančeńnia vajny na Bałkanach miny ŭ Charvatyi zabili kala 450 čałaviek, a 1800 paranili. Minnyja pali zajmajuć kala 1,1 tys. km2. Daśledavańni nad vykarystańniem pčołaŭ u raźminiravańni viaducca taksama ŭ ZŠA i Kanadzie.
