Viarchoŭny sud siońnia pryznačyŭ datu razhladu pazovu Miniustu ab likvidacyi Biełaruskaj ekalahičnaj partyi (BEZ). Słuchańnie spravy pačniecca 29 žniŭnia.
Pavodle ministerstva justycyi jahony pazoŭ ab likvidacyi partyi hruntujecca na tym, što kolkasny skład partyi mienšy za minimalna dazvoleny zakanadaŭstvam — 1000 čałaviek. Pavodle źviestak, padadzienych u ministerstva partyjaj, kolkaść jaje členaŭ składaje 582 čałavieki. Ministerstva taksama padkreślivaje, što partyjaj nie byli stvoranyja mienskaja haradzkaja i rehijanalnyja struktury ŭ bolšaści rehijonaŭ krainy.
Siońnia ž zaniepakojenaść nakont losu svajoj arhanizacyi vykazała staršynia Biełaruskaj žanočaj partyi «Nadzieja» Alena Jaśkova. 20 lipienia pradstaŭniki partyi atrymali ŭkazańnie ministerstva justycyi padać da 8 žniŭnia poŭny śpis členaŭ partyi. Pavodle spadaryni Jaśkovaj, «za taki karotki termin vykanać patrabavańnie prosta nierealna». Jana nia vyklučaje, što heta moža stać padstavaj dla likvidacyi partyi.
2 žniŭnia Viarchoŭny sud na padstavie pazovu Ministerstva justycyi prypyniŭ na 6 miesiacaŭ dziejnaść Partyi kamunistaŭ biełaruskaj.
