Hienieralny dyrektar DVA «Biełenierha» Siarhiej Bieły nie budzie praciahvać pracoŭny kantrakt z kiraŭnictvam haliny, jaki ŭ jaho zakančvajecca 9 žniŭnia, paviedamiŭ BiełaPAN viadučy inžynier abjadnańnia Uładzimir Karduba. Pavodle jaho słoŭ, jašče ŭ červieni Siarhiej Bieły zajaviŭ, što nie choča praciahvać kantrakt. Pryčyny takoha rašeńnia ŭ «Biełenierha» nie kamientujuć. Nie nazyvajucca taksama asnoŭnyja pretendenty na pasadu hienieralnaha dyrektara. «Źmiena lidera budzie, ale jak jana budzie vyhladać, pahladzim», — skazaŭ U.Karduba.
Tym nie mienš karespandentu rasijskaha infarmacyjnaha ahienctva REGNUM krynica ŭ Ministerstvie enierhietyki Biełarusi paviedamiła, što ŭ jakaści pretendenta na pasadu kiraŭnika «Biełenierha» razhladajecca kandydatura namieśnika hienieralnaha dyrektara DVA Paŭła Jakuboviča.
Taja ž krynica prainfarmavała, što S.Bieły płanuje pracavać u kamiercyjnych strukturach, mahčyma ŭ banku.
Siarhiej Bieły kiravaŭ «Biełenierha» piać hadoŭ. Jon byŭ pryznačany prezidentam tady jašče kancerna «Biełenierha» 1 žniŭnia 2002 hoda.
