Biełaruski bok zmoža svabodna rasparadžacca naftaj, jakaja budzie zdabytaja na iranskim radoviščy Džofiejr. Ab hetym paviedamiŭ Nadzvyčajny i Paŭnamocny Pasoł Irana ŭ Biełarusi Abdolchamid Fiekry 6 žniŭnia paśla zaviaršeńnia ŭ Minsku sustrečy parłamienckaj delehacyi Irana z členami pracoŭnaj hrupy Nacyjanalnaha schodu Biełarusi pa supracoŭnictvu z iranskim parłamientam.

Pasoł Irana dadaŭ taksama, što «ŭ chutkim časie» ŭ Tehieranie pavinna adbycca pasiadžeńnie sumiesnaj biełaruska‑iranskaj kamisii, na jakoj «budzie razhladać pytanni enierharesursaŭ». U pasiadženni ź biełaruskaha boku pavinny ŭdzielničać pradstaŭniki «Biełtranshaza» i «Biełnaftachima».

Abdolchamid Fiekry akramia taho zajaviŭ, što iranski bok prapanavaŭ prajekt pa budaŭnictvu hidraelektrastancyi na terytoryi Biełarusi. «Dla hetaha my praduhledzieli 100 młn jeŭra kapitałaŭkładańniaŭ». Zaraz pa hetaj prapanovie iduć pieramovy pamiž bakami.

Pavodle słoŭ kiraŭnika pracoŭnaj hrupy Nacyjanalnaha schodu Biełarusi, deputata Pałaty pradstaŭnikoŭ Anatola Paŭłoviča, zaraz Iran maje zacikaŭlenaść u paskarenni realizacyi prahramy pa stvareńniu zborki biełaruskich traktaroŭ i samazvałaŭ u Iranie. Parłamientaryj dadaŭ taksama, što ŭ bližejšy čas tavaraabarot pamiž krainami nieabchodna daviesci da 500 młn dołaraŭ. «Siońnia ličba składaje kala 50 młn. U bližejšyja 5 hadoŭ abjom treba pavialičyć u 10 razoŭ».

Anatol Paŭłovič dadaŭ taksama, što biełaruskamu boku cikavy «vopyt Irana ŭ zakanadaŭstvie pa adnaŭlajemych krynicach enierhii». Nie abyšli ŭvahaj padčas sustrečy parłamientaryjaŭ u Minsku i pytanni stvareńnia zakanadaŭčaj bazy pa razvićciu jadziernaj enierhietyki.

Siarhiej Kuźniacoŭ, «Źviazda»

Клас
Панылы сорам
Ха-ха
Ого
Сумна
Абуральна