 |
Naprykancy kupalnaha siezona leta vyrašyła pabałavać nas haračynioj. Biełarusy znoŭ masava nakiravalisia da vady. Nie chaciełasia b ich zasmučać, adnak u pieralik zakrytych sanepidsłužbaj dla kupańnia vadajomaŭ uvachodziać na siońniašni dzień 53 zony adpačynku. Červieńskaja śpioka, cvicieńnie vodaraściaŭ plus lipieńskija liŭnievyja daždžy zrabili svaju «čornuju» spravu — jakaść vady ŭ mnohich rekach, sažałkach i vadaschoviščach nie adpaviadaje biaśpiečnym bakteryjałahičnym pakazčykam. Pavodle infarmacyi Respublikanskaha centra hihijeny, epidemijałohii i hramadskaha zdaroŭja zaraz zabaraniajecca kupacca ŭ nastupnych zonach adpačynku:
Bresckaja vobłaść: reki Viedźma i Ščara ŭ Lachavickim rajonie, vadaschovišča «Bielin» (Drahičynski rajon), r. Pina (Pinski rajon), voziera Motalskaje (v. Motal, Ivanavicki rajon), vadaschovišča v. Laskavičy ŭ Ivanavickim rajonie, zona adpačynku na r. Muchaviec (plaž «Uschod» i «Centralny») u Breście, sažałka vioski Krošyn (Baranavicki rajon), r. Lasnaja (h. Kamianiec).
Viciebskaja vobłaść: r. Zachodniaja Dzvina ŭ miežach Połacka, Navapołacka, Viciebska i Biešankovičaŭ, voziera Maładziožnaje (h. Navapołack), r. Łučosa i Vićba ŭ miežach Viciebska, voziera Homiel (h. Połack), voziera Suja (h. Połack), reki Dniepr i Oršyca ŭ miežach Oršy, voziera Ščacinka ŭ miežach Oršy, vadajom u h. Dokšycy, voziera Skobraje h. Połack, voziera Biełaje (Połacki rajon), vadaschovišča «Bielčyca» (Połacki rajon).
Homielskaja vobłaść: zona adpačynku ŭ h. Žłobinie, vadajomy Maładziožny i Rudnicki ŭ miežach Homiela, Śvietłahorskaje vadaschovišča, zona adpačynku pansijanata «Załatyja piaski» (Homielski rajon).
Mahiloŭskaja vobłaść: haradski plaž na race Dniepr u Škłoŭskim rajonie.
Minskaja vobłaść: r. Citaŭka (Puchavicki rajon), r. Słuč (Słucki rajon), r. Słuč u h.p. Starobin (Salihorski rajon), Vojkaŭskaje vadaschovišča h.p. Pleščanicy (Łahojski rajon), Salihorskaje vadaschovišča, r. Ilija (Maładziečanski rajon), r. Uša (Maładziečanski rajon), sažałka ŭ v. Budzieničy (Staradarožski rajon), sažałka ŭ v. Ščytkovičy (Staradarožski rajon), voziera ŭ Lubani, sažałka ŭ parku h. Lubań, Piatrovickaje i Čarnickaje vadaschoviščy (Smalavicki rajon), vadaschovišča ŭ v. Hardynava (Vałožynski rajon), Krasnasłabodskaje vadaschovišča ŭ v. Smoličy (Kapylski rajon).
Hrodzienskaja vobłaść: zona adpačynku na r. Nioman pobač z azdaraŭlenčym łahieram «Arlania» (Iŭjeŭski rajon), vadajom v. Alekšycy Bierastavickaha rajona, vadajom sanatoryja «Praleska».
h. Minsk: Zasłaŭskaje vadaschovišča, Kamsamolskaje voziera, vadaschovišča «Drazdy».
Jak bačna, niekatoryja zakrytyja raniej dla kupańnia miescy adpačynku «reabilitavanyja». Ale voś, naprykład, reki Zachodniaja Dzvina, Citaŭka, Słuč, plaž na Dniapry ŭ Škłovie ci Kamsamolskaje voziera ŭ Minsku jak trapili ŭ pačatku leta ŭ pieralik zabaronienych, tak jaho bolš i nie pakidali.
