Biełaruski samahon, jaki moh by zrabicca našaj prykmietaj u śviecie i padstavaj dla honaru — jak rakija ŭ Sierbii, hrapa ŭ Italii abo miedavucha ŭ Zachodniaj Ukrainie, – pa-raniejšamu aficyjna maje nielehalny stan. Tym nie mienš, jaho vyrablajuć i im častujuć pa ŭsioj krainie — sa svaimi receptami, tradycyjami i rehijanalnymi asablivaściami. My vyrašyli daśledavać temu i pradehustavali 7 vidaŭ semu z roznych kutkoŭ Biełarusi.
1. «Cukroŭka»
Miesca pachodžańnia: Vałožynski rajon (Mienskaja vobłaść).
Efiekt: amałodžvaje.
Skład: vada, droždžy, sočyva, cukar, kampot.
Aŭtarski recept: «Biareš cukar, sočyva, staryja kampoty i źlivaješ usio ŭ jomistaść ź ciopłaj vadoj (tempieratura — nie mienš za 60 hradusaŭ). Kali cukar całkam rastaje, nieabchodna astudzić vadu da tempieratury nie bolš za 36 hradusaŭ (u takim vypadku draždžavaja bakteryja nie pamre). U hetaj ciopleńkaj vadzie raspuskaješ droždžy. Usio — pačaŭsia praces bradžeńnia, jaki moža zaniać dva dni, ale aptymalny termin — ad troch da šaści dzion. Chaj brodzić, pakul nie prapadzie soładź — jana pavinna pa smaku nahadvać piva, mieć macunak. Treba jaje pieryjadyčna kaštavać, kali soładź nie źnikła — dadavać jašče draždžej, padahravać troški, kab bradžeńnie praciahvałasia. Kali soładź źnikła, pracedžvaješ jaje praz marlu i staviš na samahonny čan».
34 opinion. Vytančany fruktovy vodar, jak ad parfumy moładzievaj linii. Pjecca miakka, nie chočacca zakusvać. Moža być ranišnim napojem. Idealna pasuje dla śniadanka abo ramantyčnaha spatkańnia. Kali chočaš pryvić sabie luboŭ da samahonu, lepš pačać z hetaha napoju. Karaciej, moładzievy sem, jaki moža taksama dobra spałučacca z tonikam abo sodavaj.
Čym zakusvać? Lepš nie zakusvać.
Adznaka: 5 zorak z 5.
Pra inšyja samahonki, a taksama kamientar ekśpierta čytajcie tut.
