Alaksandar Łukašenka ŭchvaliŭ adpaviednyja prapanovy premjera Sidorskaha.
U Biełarusi padrychtavana ŭradavaja prahrama vykarystańnia minieralna‑syravinnaj bazy krainy. Ab praduhledžanych hetaj prahramaj prajektach prezidentu Biełarusi Alaksandru Łukašenku siońnia dałažyŭ premjer‑ministr krainy Siarhiej Sidorski, paviedamili karespandentu BIEŁTA u pres‑słužbie kiraŭnika dziaržavy.
U pryvatnaści, u Biełarusi praduhledžvajecca atrymlivać paliva z buraha vuhalu. Pavodle słoŭ premjera, ciapier na terytoryi krainy zavieršana raźviedka radoviščaŭ buraha vuhalu ahulnym abjomam 150 młn.t. Byŭ padrychtavany prajekt, jaki praduhledžvaje mahčymaść atrymańnia paliva z buraha vuhalu mietadam sintezavańnia. Pavodle acenak ekśpiertaŭ, pry isnujučym resursie možna atrymlivać da 500 tys.t paliva ŭ hod.
Heta vielmi vysokatechnałahičny prajekt, anałahaŭ jakomu ŭ śviecie — adzinki, adznačyŭ Siarhiej Sidorski. Košt prajekta pierasiahaje $2 młrd. Ciapier urad Biełarusi zajmajecca pošukam inviestaraŭ dla jaho realizacyi.
Premjer‑ministr taksama dałažyŭ prezidentu ab prajektach pa raspracoŭcy słancavych i žaleznych rud. Kiraŭnik dziaržavy adobryŭ usie try prajekty, jakija pavinny być realizavany ŭ bližejšyja hady.
