Byłoha prezydenta Rumynii vinavaciać u žorstkim razhonie studenckaj demanstracyi 17 hadoŭ tamu.
Śledztva praciahvałasia 2 hady. Na padstavie pakazańniaŭ śviedkaŭ i rassakrečanych uradavych dakumentaŭ prakurory dakazali, što były prezydent vydaŭ zahad pryvieści šachcioraŭ u stalicu mienavita z metaj «ačyščeńnia» Universyteckaj płoščy ad demanstrantaŭ.
Pratestujučyja niekalki tydniaŭ pad universytetam studenty j intelektuały damahalisia adstaŭki ŭradu, u jaki ŭvajšli, miž inšaha, byłyja supracoŭniki dyktatara Nikałaje Čaŭšesku. U stalicu pryjechała 5 tys. harniakoŭ, jakija «navodziačy paradak», zabili 7 čałaviek, niekalki dziasiatkaŭ paranili j źniščyli ofisy apazycyjnych hazet.
Praces byłoha prezydenta, jaki kaardynavaŭ akcyju, pačniecca ŭ pałovie vieraśnia ŭ Vyšejšym sudzie Rumynii. Ijon Ilijesku, abvinavačany ŭ zaklikach da ździajśnieńnia zabojstva, nie pryznajecca ŭ vinie.
