Litoŭski ŭrad choča ŭvieści dvajnoje hramadzianstva i nie vyklučaje mahčymaści referendumu ŭ hetaj spravie.
Zaraz instytut padvojenaha hramadzianstva nie dazvalaje litoŭskaja kanstytucyja. Kab dazvolić mahčymaść aficyjnaha atrymańnia dvajnoha hramadzianstva, nam treba źmianić asnovy prava. Dumaju, zrabić heta mahčyma tolki šlacham referendumu, jaki chutčej za ŭsio adbudziecca praz hod razam z parlamenckimi vybarami,» – zajaviŭ u čaćvier u etery litoŭskaj radyjostancyi premjer‑ministar Litvy Hiedyminas Kirkiłas.
Staršynia litoŭskaha ŭradu dadaŭ, što prava na padvojenaje hramadzianstva taksama pavinny mieć litoŭcy na terytoryi Polščy. Hiedyminas Kirkiłas, jak i prezydent Litvy Vałdas Adamkus, ličyć, što bieručy pad uvahu toje, što litoŭcy źjaŭlajucca małym narodam, a chvala najnoŭšaj emihracyi ŭvieś čas ŭzrastaje, uviadzieńnie padvojnaha hramadzianstva źjaŭlajecca najaktualniejšaj spravaju.
Niadaŭna Litva ŭžo mieła zakon ab dvajnym hramadziantśvie, jaki praduhledžvaŭ, mahčymaść hramadzianam Litvy pry atrymańni hramadzianstva inšaje krainy zachavać i litoŭskaje, ale ŭ minułym hodzie Kanstytucyjny sud admianiŭ hetuju normu, bo na jaho pohlad, jana nie adpaviadała kanstytucyi.
