Seuł i Pchieńjan abvieścili ab majučaj adbycca sustrečy lideraŭ dziaržavaŭ – druhoj na praciahu siami hadoŭ. Niahledziačy na toje, što pieršy kantakt padzielenych 50 hod tamu krainaŭ adbyvaŭsia ŭ Pchieńjanie, u hetym hodzie prezydent Karei Paŭdniovaj znoŭ pajedzie da svajho susiedu na poŭnač. Vizyt, plan jakoha jašče nie viadomy, adbudziecca z 28 da 30 žniŭnia.
«Takija sustrečy zabiaśpiečvajuć padmurak spakoju na Karejskim paŭvostravie», — zajaviŭ u Seule hałoŭny daradca paŭdniovakarejskaha prezydenta Bek Dzonh Čyn. Infarmacyju ab majučaj adbycca sustrečy pavitali j Złučanyja Štaty Ameryki. «ZŠA daŭno padtrymlivajuć šlach dyjalohu Poŭnač‑Poŭdzień» – zajavili ŭ Dziarždepartamencie ZŠA.
Cikava, što majučaje adbycca spatkańnie projdzie ŭ nadzvyčaj spakojny dla Karejskaha paŭvostravu čas. Paŭnočnaja Kareja, jakaja minułaj vosieńniu pravodziła testavańnie atamnaj zbroi, pačynaje praces razzbrajeńnia, bo haspadarka krainy cierpić ciapier mocny ekanamičny kryzis. U suviazi pačatkam pieramoŭnaha pracesu Ameryka zajaviła, što ŭ vypadku spynieńnia jadziernaj prahramy amerykancy hatovyja vykreślić Paŭnočnuju Kareju sa śpisu terarystyčnych krainaŭ i padpisać mir na Karejskim paŭvostravie, dzie aficyjna tryvaje vajennaje stanovišča z 1957 hodu.
