Pytańnie ab abviaščeńni čarhovaj amnistyi budzie razhledžana na vosieńskaj sesii pałaty pradstaŭnikoŭ.
Pra heta ŭ čaćvier padčas on-łajn kanferencyi zajaviŭ ministar unutranych spravaŭ Biełarusi Uładzimier Navumaŭ. Pavodle jahonych słovaŭ, «rašeńnie ad abviaščeńni amnistyi budzie razhladać parlament padčas budučaj sesii tamu, bo ŭviesnu heta nie atrymałasia zrabić tamu, što nie ŭsie zacikaŭlenyja baki zmahli abmierkavać umovy vyzvaleńnia źniavolenych».
Tym čas u biełaruskich turmach za palityčnuju dziejnaść pa-raniejšamu znachodziacca lider niezarehistravanaha Maładoha Frontu Źmicier Daškievič i eks-kandydat na pasadu prezydenta Alaksandar Kazulin, jaki byŭ asudžany na piać z pałovaju hod źniavoleńnia za nibyta arhanizacyju masavych biesparadkaŭ u Miensku. Akramia hetaha, Kamitetam dziaržaŭnaj biaśpieki byŭ raspačaty šerah kryminalnych spravaŭ suprać moładzievych aktyvistaŭ, jakija ŭžo ciapier ryzykujuć patrapić za kraty.
