Juryj Łucenka na voli.
Ministerstva ŭnutranych spraŭ Ukrainy paviedamiła, što były kiraŭnik viedamstva Jury Łucenka, vyzvaleny z turmy.
Łucenka i jašče piaciora asudžanych, u liku jakich taksama apynuŭsia były ministar achovy navakolnaha asiarodździa Ukrainy Hieorhi Filipčuk, byli pamiłavanyja zahadam prezidenta Viktara Janukoviča.
«Siońnia zahad byŭ vykanany ŭ poŭnym abjomie, usie asudžanyja vyzvalenyja ad adbyćcia pakarańnia», –- paviedamlajecca na sajcie dziaržaŭnaj penitencyjarnaj słužby Ukrainy.
"Ja vitaju rašeńnie prezidenta Ukrainy pamiłavać Łucenku i Filipčuka. Heta -- pieršy, ale važny krok, skiravany na vyrašeńnie prablemy vybarčaha pravasudździa", -- napisaŭ jeŭrapiejski kamisar pa pytańniach pašyreńnia i Jeŭrapiejskaj palityki susiedstva Štefan Fiule na svajoj staroncy ŭ Twitter.
Vyzvaleńnie palitviaźniaŭ adkryvaje Ukrainie šlach da padpisańnia Damovy pra asacyjacyju ź ES.Dla hetaha Ukraina maje vykanać try ŭmovy -- aproč vyrašeńnia prablemy vybarčaha pravasudździa, siarod ich značycca reforma zakanadaŭstva ŭ śfiery vybaraŭ i praviadzieńnie reformaŭ, paznačanych u sumiesnym paradku dnia ab asacyjacyi.
Vyzvaleny ź Mienskaj kałonii (śpieckałonija ŭ Čarnihaŭskaj vobłaści, pryznačanaja dla byłych siłavikoŭ), Łucenka paśpieŭ, praz telefonnaje ŭklučeńnie, uziać udzieł u mitynhu apazicyi ŭ Kijevie. Jon padtrymaŭ taktyku apazicyjnych siłaŭ i zajaviŭ, što nie maje prezidenckich ambicyj u vybarčaj kampanii 2015 hoda i padtrymaje kandydata ad apazicyi.