Supracoŭniki minskaj milicyi vyjavili padpolnuju kaŭbasnuju vytvorčaść.
Papracavaŭšy niejki čas technołaham pa vytvorčaści kaŭbasnaj pradukcyi žycharka Minskaha rajona vyrašyła zaniacca ŭłasnaj spravaj i arhanizavała padpolny kaŭbasny cech na svaim padvorku. Pry hetym dazvoł na heta nie atrymlivała. Kupiŭšy elektramiasarubku, vahi i abstalavaŭšy adno z padsobnych pamiaškańniaŭ svajho domaŭładańnia dla suški, jana pačała vyrab.
Syravina nabyvałasia na adnym sa staličnych rynkaŭ, tam ža byŭ naładžany i zbyt hatovaj pradukcyi. Pryčym z rostam abjomaŭ vytvorčaści pavialičvałasia i sietka roźničnaha handlu.Apieratyŭniki ŭstanavili, što samarobnaja kaŭbasa pradavałasia jak minimum na piaci handlovych kropkach. Asartymient składaŭsia z dvuch vidaŭ — "chatniaja sa śvininy" i "chatniaja kurynaja".
Jak ustanavili supracoŭniki ŭpraŭleńnia pa baraćbie z ekanamičnymi złačynstvami HUUS Minharvykankama, padpolny cech pracavaŭ na praciahu dvuch hadoŭ. Pry hetym vytvorčaść ažyćciaŭlałasia z surjoznymi parušeńniami technałahičnaha pracesu, taksama vyjaŭleny hrubyja parušeńni hihijeničnych i sanitarnych norm.
Jak stała viadoma, na jakaść pradukcyi niepasredna ŭ miescy jaje realizacyi nieadnarazova skardzilisia pakupniki, adnak usie pretenzii handlary staralisia źniać na miescy.
U vyniku praviadzieńnia kompleksu apieratyŭna-pravieračnych mierapryjemstvaŭ apieratyŭniki źjavilisia na vytvorčaść adrazu ž paśla vyrabu čarhovaj partyi falsifikavanaj pradukcyi. Kaŭbasa ahulnaj vahoj 470 kh była kanfiskavanaja.
