U Rasiei chutki pasažyrski ciahnik Maskva‑Pieciarburh paciarpieŭ avaryju ŭ paniadziełak viečaram u Naŭharodzkaj vobłaści. Pavodle apošnich źviestak, paciarpieli 60 čałaviek, bolš za 30 byli špitalizavanyja, achviar niama.
Pavodle źviestak «Rasiejskich čyhunak», na ciahnik «Nieŭski ekpres» byŭ pradadzieny 231 kvitok. Bryhada ciahnika składałasia z 20 čałaviek.
U presavym relizie kampanii havorycca, što za medyčnaj dapamohaj źviarnulisia 60 čałaviek, 25 čałaviek byli adpraŭlenyja ŭ bolnicu horadu Małyja Višery Naŭharodzkaj vobłaści. Jašče vosiem paciarpiełych, u tymi liku 21‑hadovuju dziaŭčynku i hramadzianina Italii, medyki špitalizavali paśla ich prybyćcia na dyzelnym ciahniku na Maskoŭski vakzał Pieciarburhu. Dva čałavieki znachodziacca ŭ krytyčnym stanie.
Pavodle źviestak «RČ», u vyniku avaryi z rejek syšli elektravoz i 12 vahonaŭ. Pasažyry ciahnika byli dastaŭlenyja na dyzel‑ciahniku ŭ Pieciarburh.
Paśla avaryi ruch ciahnikoŭ pa hetaj halinie byŭ paralizavany. U zatory stajać dziesiać načnych ciahnikoŭ, paźniejšyja ciahniki iduć vakolnymi halinami z zatrymkaj ad čatyroch da vaśmi i bolš hadzin.
Praź niekalki hadzin paśla avaryi presavaja słužba «RČ» raspaŭsiudziła pres‑reliz, u jakim havaryłasia, što avaryja «adbyłasia ŭ vyniku niezakonnaha ŭmiašalnictva ŭ dziejnaść čyhunačnaha transpartu».
Mašynist ciahnika j pasažyry kažuć, što čuli, jak nieštra hrymnuła pierad tym, jak adbyłasia avaryja.
A pravadniki zajaŭlajuć, što čuli, jak hrymnuła dvojčy.
Pracoŭnyja, jakija ramantujuć kalainy na miescy avaryi, kažuć, što tam znojdzienaja varonka.
«RČ» u suviazi z avaryjaj adkryła telefonnuju «haračuju liniju» ŭ Maskvie i Pieciarburhu.
«Pavodle papiarednich vysnoŭ specyjalistaŭ pa vybuchach, jakija pracujuć na miescy zdareńnia, na čyhunačnym pałatnie adbyŭsia vybuch bomby mahutnaściu da dvuch kilahramaŭ u traciłavym ekvivalencie», — skazaŭ surazmoŭca ahienctva.
