U krainie ciulpanaŭ adčyniajecca pieršaja ŭ śviecie klinika, dzie buduć lačyć ad hetaha niedamahańnia.
Daktary pierakonvajuć, što hryzieńnie paznohciaŭ — heta surjoznaja chvaroba, jakaja pryvodzić da infekcyjaŭ, hrybku i zaražeńnia stravavalnych šlachoŭ, a ŭ dziaciej i da defarmacyi skivicy. Na dumku d‑ra Alena‑Rajmanda van Abe, zasnavalnika kliniki, raspaŭsiudžanaść hetaj chvaroby źviazanaja z paskareńniem tempu žyćcia — ludzi nie vytrymlivajuć karjernaha spabornictva i pastajannych stresaŭ. — Kaliści vizytu ŭ psycholaha było całkam dastatkova, adnak ličba pacyjentaŭ z hetaj prablemaj raście z takoj chutkaściu, što my vyrašyli adčynić dla ich kliniku — kaža jon.
Klinika znachodzicca ŭ h. Fenło (Venlo), niedaloka ad miažy ź Niamieččynaj. Lačycca ŭ joj zmohuć pacyjenty z usiaho śvietu. Košty lačeńnia jašče pakul niavyznačanyja, adnak, uličvajučy poŭnuju adsutnaść kankurencyi, nizkimi jany, vidać, nia buduć. I chacia klinika adčynicca tolki praź miesiac, žadajučych tam lačycca ŭžo bahata. U časie lačeńnia, jakoje budzie doŭžycca čatyry tydni, na palcy pacyjentaŭ buduć nakładvacca specyjalnyja prystasavańni, skanstrujavanyja van Abe, što bolš nie dazvolać pacyjentam dakranacca zubami da paznohciaŭ. Aproč taho, praduhledžanyja pastajannyja sustrečy z psycholahami i hrupavaja terapija, pa niekalki hadzinaŭ štodzionna. Van Abe śćviardžaje, što lačeńnie jahonymi metadami efektyŭnaje na 98 %.
