Systema arendy rovaraŭ, što dziejničaje ŭ Paryžy ź 15 lipienia, vyklikała vialikuju zacikaŭlenaść u žycharoŭ horadu i turystaŭ. Užo bolš za miljon čałaviek skarystalisia novaj pasłuhaj.
— Na praciahu pieršych tydniaŭ kolkaść tych, chto braŭ u arendu rovary, pieravysiła miljon — paviedamiŭ pradstaŭnik haradzkich uładaŭ Paryžu. Na jaho dumku, rovary majuć usie šancy stać bolš papularnym srodkam transpartu, čym tramvai, jakija znoŭ jeździać pa Paryžy.
Adnarazovaja płata za arendu rovara składaje 1 eŭra za dzień, adnak dla pastajannych karystalnikaŭ dvuch kołaŭ isnuje specyjalnaja prapanova: jany mohuć płacić 5 eŭra za tydzień i 29 eŭra za ceły hod karystańnia rovaram. Uziaty ŭ arendu rovar možna pakinuć na kožnaj z 750 stancyjaŭ, što mieściacca ŭ roznych častkach Paryžu.
Raniej za paryžanaŭ hetkaj pasłuhaj pačali karystacca žychary Kapenhahienu, Ženievy, Barselony i Lijonu. I taksama paśpiachova.