30 lipienia Haspadarčy sud pryniaŭ pazoŭ AAT «Jurydyčnaja hrupa «Arhumient'» ab abaronie dziełavoj reputacyi. Pryčynaj zvarotu ŭ sud źjaŭlajecca artykuł «Siamja» robić biznes. Pad nadziejnym dacham dziaržavy». Na dumku, istca artykuł nanosić škodu dziełavoj reputacyi tavarystva i jaho zasnavalnika Andreja Leanidaviča Kozika, syna staršyni FPB. Pretenzii vykazvajucca da nastupnaj frazy: «Syn hałoŭnaha łukašenkaŭskaha prafsajuźnika Leanida Kozika stvaryŭ jurydyčnuju firmu «Arhumient'», jakaja łabiruje intaresy zamiežnych pradpryjemstvaŭ i bujnaha pryvatnaha biznesu ŭ dziaržstrukturach. Faktyčna atrymlivajecca, što Andrej Kozik raznosić pa vysokich kabinetach hrošy za toj ci inšy podpis».
Artykuł byŭ nadrukavany na sajcie www.ucpb.org, jaki faktyčna adlustroŭvaje pazycyju AHP. «Arhumient'» nastojvaje na tym, kab hetaja infarmacyja abvierhnutaja na vyšejuzhadanym sajcie i ŭ štotydnioviku «Biełorusy i rynok», jaki nia maje nijakaha dačynieńnia da publikacyi.
AHP u svaju čarhu całkam adchilaje pazoŭ, jak nakiravany nie da taho adkazčyka, bo partyja nie źjaŭlajecca ŭładalnicaj sajtu www.ucpb.org. U AHP havorać, što heta nie partyjny sajt, a resurs prychilnikaŭ partyi i chostynh na jaho naležyć nia im.
Treba adznačyć, što ŭ Biełarusi ŭpieršyniu budzie adbyvajecca padobny praces. Za publikacyi ŭ internecie ŭ 2001 hodzie sudzili haradzienskich žurnalistaŭ Mikołu Markieviča i Paŭła Mažejku. Za kratami za publikacyju na tym ža sajcie www.ucpb.org znachodzicca palityk Andrej Klimaŭ, sud nad jakim jašče nie pačynaŭsia. Adnak jašče nikoli nie było pazovaŭ da ŭładalnikaŭ tych ci inšych sajtaŭ. Tamu zaŭtrašni sudovy praces budzie biesprecedentnym.
