Pierakazvaju vam raspoviad Aleny svaim baćkam. Jana źviazałasia ź imi pa telefonie, — paviedamlaje stryječny brat našaj biahuchi Alaksiej Ziarniak.
— Jana paśpieła skončyć marafon da vybuchaŭ. I pajšła na sustreču ź siabroŭkaj. Jany razam pryjechali tudy na mašynie. Voś u hety momant jana pačuła vybuchi. Alena nie paciarpieła, joj pašancavała».

Jak daŭno vaša siastra žyvie ŭ ZŠA?

«Jana źjechała hodzie ŭ 2001-m. Skončyła tam kaledž (Rutgers-Newark, znachodzicca ŭ Ńju-Džersi).

Zaličyli joj mnohija adznaki, jakija jana atrymała ŭ minskim narhasie. Žyvie siastra ŭ horadzie Chekiensak, pracuje ŭ kansałtynhavym adździele kampanii Merrill Lynch, jakaja siońnia ŭvachodzić u strukturu Banc of America. Zdajecca, rabota źviazana z kansultavańniem klijentaŭ nakont układańnia hrošaj. Marafonskim bieham jana zajmajecca daŭno, zajmaje miescy ŭ svajoj uzrostavaj katehoryi. Na rabocie jaje za heta premirujuć».
Źviestak pra našych biahuch niama ni ŭ Ministerstvie sportu Biełarusi, ni ŭ Fiederacyi lohkaj atletyki.
Pavodle apošniaj infarmacyi, jašče adna biełaruska, Žanna Ivaščanka, na Bostanskim marafonie nie finišavała i, mahčyma, zusim nie biehła. Jaje los pakul nieviadomy.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?