Pavodle słovaŭ vykanaŭčaha dyrektara hramadzkaha abjadnańnia «Biełaruski Chelsinski kamitet» Aleha Hułaka, na hutarku ŭ mienskuju haradzkuju prakuraturu vyklikali dźviuch dziaŭčat. Jany adrazu źviarnulisia pa dapamohu ŭ BCHK, i na hutarcy ŭ prakuratury prysutničali Aleh Hułak i pravaabaronca Taciana Hacura.
Pavodle sp. Hułaka, u dziaŭčat raspytvali ab pracy sajtu ruchu, cikavilisia pra infarmacyju, raźmieščanuju na jaho staronkach. A. Hułak paviedamiŭ taksama, što sprava vidavočna inicyjavanaja Kamitetam dziaržbiaśpieki: «Pozvy dziaŭčaty atrymali z prakuratury, ale na miescy apynulisia supracoŭniki KDB, jakija ŭsio i arhanizoŭvali — šukali pamiaškańnie dla hutarki, supracoŭnika prakuratury, jaki b tuju hutarku zładziŭ». Hetuju zdahadku ŭskosna paćviardžaje toj fakt, što adna z razmovaŭ nie adbyłasia pa pryčynie adsutnaści supracoŭnika prakuratury, u toj čas, jak supracoŭnik KDB prysutničaŭ.
Pravaabaronca nie vyklučaje, što vynikam takoj aktyŭnaści z boku specsłužbaŭ moža stać novaja kryminalnaja sprava ŭ dačynieńni da siabraŭ niezarehistravanaj arhanizacyi.
Tym časam, na sajcie «Buntu» źjaviŭsia zvarot, u jakim havorycca pra dziasiatak vyklikanych u prakuraturu, pra cisk, jaki akazvajecca na buntaŭcaŭ u časie tych hutarak.
Nahadajem, što suprać siabroŭ ruchu Dzianisa Dzianisava i Taciany Jełavoj u minułym hodzie była raspačataja kryminalnaja sprava pavodle padziejaŭ u Viciebsku. U lutym 2007 h. Dz. Dzianisaŭ byŭ aryštavany i amal try miesiacy adbyŭ u SIZA. Potym spravu prypynili.
