Prahnoz MVF pa roście biełaruskaha VUP u čatyry razy mienšy za zaćvierdžany ŭładami

Mižnarodny valutny fond prahnazuje rost VUP Biełarusi na 2,1% u 2013 hodzie, paviedamlajecca ŭ Ahladzie suśvietnaj ekanomiki (World Economic Outlook), abnarodavanym 16 krasavika.

U kastryčniku minułaha hoda fond prahnazavaŭ rost biełaruskaj ekanomiki ŭ 2013 hodzie na ŭzroŭni 3,4%.

Razam z tym, pavodle acenak MVF, u 2014 hodzie rost biełaruskaj ekanomiki paskorycca da 2,6%.

Jak miarkujuć analityki fondu, pakazčyk inflacyi (śniežań da śniežnia) u Biełarusi pa vynikach 2013 hoda składzie 20,5%. Pry hetym u 2014 hodzie rost spažyvieckich cen zapavolicca da 15,5%.

Nahadajem, biełaruskija ŭłady prahnazujuć rost VUP u 2013 hodzie na 8,5%. Pavodle źviestak Biełstata, u I kvartale VUP pavialičyŭsia na 3,5%.

Za studzień-sakavik 2013 hoda spažyvieckija ceny ŭ Biełarusi ŭzraśli na 5,4%, tady jak urad raźličvaje ŭtrymać inflacyju pa vynikach hoda ŭ miežach 12%.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH