Mitynh pierad pačatkam suda. U centry - Alaksiej i Julija Navalnyja.
Praces nad viadomym błohieram, adnym ź dziejačaŭ rasijskaj apazicyi pačaŭsia siońnia ranicaj u Kiravie.
Leninski rajonny sud Kirava pačaŭ razhladać kryminalnuju spravu ŭ dačynieńni da A. Navalnaha ab kradziažy majomaści «Kiraŭlesa». Jaho vinavaciać u kradziažy nibyta 16 młn rasijskich rubloŭ (500 tys. dalaraŭ).
Pa viersii śledstva, padčas pracy daradcam hubiernatara Kiraŭskaj vobłaści, Navalny, ustupiŭšy ŭ zmovu z dyrektaram «Viackaj lasnoj kampanii» Piatrom Aficeravym i hiendyrektaram «Kiraŭlesa» Viačasłavam Apalevym arhanizavaŭ kradziež bolš za 10 tysiač kubamietraŭ lesu.
Za «arhanizacyju rastraty čužoj majomaści ŭ asabliva bujnym pamiery» Navalnamu pahražaje da 10 hadoŭ kałonii.
Navalny nastojvaje, što sprava sfabrykavanaja, a jaho pieraśledujuć pa palityčnych matyvach.
U Kiraŭ z Maskvy ranicaj prybyŭ ceły žurnaliscki ciahnik, a pad ścienami suda prajšli dva mitynhi: u padtrymku Navalnaha i mitynh «našystaŭ». Pieršyja kryčali: «Pucin — złodziej», druhija — «Złodziej pavinien siadzieć u turmie».
Ale stała viadoma, što sud adkładzieny da 24 krasavika.
Advakaty prasili adkłaści sud na miesiac, kab bolš padrabiazna aznajomicca z materyjałami spravy.
