Čamu načalnik AAC siadzieŭ bližej da Łukašenki za staršyniu KDB 5

Kadr z telerepartažu z narady ŭ Alaksandra Łukašenki.

Pałkoŭnik Špiahun (źleva) i hienierał-major Vakulčyk (sprava).

U zakrytych režymach analityki źviartajuć uvahu na drobnyja detali, kab adhadać, chto jaki ŭpłyŭ maje i jakija tendencyi daminujuć. Naprykład, rassadka: chto kala kaho i za kim siadzić? Błohier d-zholik, jaki adsočvaje trendy ŭ siłavych viedamstvach, źviarnuŭ uvahu, što na naradzie ŭ Łukašenki pa enierhietycy načalnik Apieratyŭna-analityčnaha centra (AAC) pałkoŭnik Siarhiej Špiahun siadzieŭ bližej da Alaksandra Łukašenki, čym hienierał Valer Vakulčyk, staršynia Kamiteta dziaržaŭnaj biaśpieki. «Choć, zdavałasia b, hienierał-major Valeryj Vakulčyk vyšejšy pa zvańni, a Siarhiej Špiahun tolki pałkoŭnik». Dyj pry rassadžvańni ŭ adpaviednaści z ałfavitnym paradkam pa proźviščy abo najmieńni viedamstvaŭ Vakulčyk anałahična pavinien byŭ by siadzieć pieršym, a Špiahun paśla jaho (u łukašenkaŭcaŭ kancylaryja viadziecca pa-rasiejsku, a nie pa-biełarusku).

Błohier robić vysnovu pra vialiki ŭpłyŭ i davier asabista da Špiehuna i da AAC u cełym. Hety centr byŭ stvorany za časoŭ kiravańnia Łukašenki, jaki sprabavaŭ stvaryć sistemu, pry jakoj roznyja śpiecsłužby ŭraŭnavažvali b i kantralavali adna druhuju. AAC mieścicca pobač z prezidenturaj, u budynkach byłoj Nacyjanalnaj biblijateki na vulicy Kirava.

0

0

0

0

0

0