Rasijski film «Stylahi»: kala minskaha HUMa zdymali Maskvu
Na minułym tydni hałoŭny korpus BDU niečakana pieratvaryŭsia ŭ Maskoŭski dziaržaŭny humanitarny ŭniviersitet. Źmianili šyldy, načapili litary «MHHU» na fasad. Jak paviedamili ŭ
Minsk časta možna bačyć u rasijskich filmach i sieryjałach — Akademija navuk stanovicca Maskoŭskim haradskim sudom, a vulicy Bahdanoviča abo Kastryčnickaja — u stalinskuju Maskvu. Čym Biełaruś pryvablivaje rasijskich kinošnikaŭ?
U Biełarusi zastałosia šmat vajennaj techniki, kaściumaŭ časoŭ vajny — u Maskvie hetaha značna mienš, —kaža režysior i scenaryst Andrej Kurejčyk, jakomu davodziłasia pracavać i ŭ Rasii, i ŭ Biełarusi. —
Taksama ŭ kadry časta patrebny horad biez rekłamy i madernizacyi.Mienavita tamu ŭ Minsku zdymali kino pra savieckaha chakieista Valeryja Charłamava» («Lehienda № 17» — NN).
Adnak nie mienš cikaviać rasijskich režysioraŭ biełaruskija ceny. «Ciapier roźnica ŭ rascenkach na zdymki ŭ Rasii i ŭ Biełarusi źmienšyłasia, — raskazvaje Kurejčyk. —
Jašče paru hadoŭ tamu, pry zdymkach u Biełarusi ekanomiłasia 40% srodkaŭ, ciapier varta kazać pra 20%.Tym nie mienš arandavać pad zdymki kaviarniu ŭ Minsku tańniej, čym u Maskvie. Zdymačnyja hrupy taksama tańniejšyja, transpart — navat adsutnaść zatoraŭ na vulicach vielmi źmianšaje vydatki».
Ale, pa słovach Kurejčyka, nie mienš važnaj častkaj ekanomii dla rasijskich kampanij zastajucca biełaruskija akciory.
«Na hałoŭnyja roli viazuć artystaŭ z Rasii, — kaža jon. — A voś na roli druhoha płana biaruć miascovych.
U rasijskich akcioraŭ zarobak składajedźvie-try tysiačy dalaraŭ za zdymačny dzień, a student VHIKa biare za dzień ad $500–700. U Biełarusi za $200–300 možna zaprasić Narodnaha artysta».
«90% ludziej, jakija pracujuć na zdymačnych placoŭkach rasiejskaha kino — biełarusy», — kaža pravaabaronca, były afhaniec Aleh Voŭčak. Jon zdymajecca ŭ rasijskich sieryjałach rehularna — u rolach druhoha płanu.
«Učora byŭ na zdymkach filma pra rasiejskuju „zonu“, jaki zdymajecca ŭ Biełarusi, — kaža Voŭčak. — Akciory masoŭki atrymlivajuć ad $10 da $30.Ale na zdymkach u masoŭcy nie zrobiš biznes — heta robicca dla ŭnutranaha drajvu. Heta jak tancy: kali zvykaješsia, to nie tančyć dva tydni prosta ciažka. Tak i z kino: treba zdymacca choć raz na dva tydni».
Padobnaja situacyja z rasiejskim kino skłałasia i va Ukrainie — tam, pa słovach Andreja Kurejčyka, zdymki rasijskaha kino iduć jašče aktyŭniej, čym tut.
«Pa cenach Biełaruś i Ukraina znachodziacca na adnym uzroŭni, — kaža jon. — Taksama va Ukrainie jość chołdynhi, jakija taksama zajmajucca zdymkami, ź imi praściej pracavać. U Biełarusi inšy plus — adsutnaść miažy, a tamu i razmytnioŭki. Pry hetym našyja kanały amal ničoha nie zdymajuć».
