Teraryst vyrabiŭ vybuchovyja pryłady z šaścilitrovych chutkavarak i zapoŭniŭ ćvikami dy mietaličnymi šarykami – takimi, jak u padšypnikach, kab paranić jaknajbolš ludziej. Bomby byli schavanyja ŭ čornych zaplečnikach kala maršrutu, pa jakim biehli marafoncy, paviedamlaje FBR.
Heta adna z samych prymityŭnych kanstrukcyj bomb. Niešta padobnaje było ŭžyta i dla terakta ŭ 2008 hodzie ŭ Minsku, vinavatym u jakim sud pryznaŭ viciebčuka Dźmitryja Kanavałava. Takija bomby niaredka vykarystoŭvajuć terarysty, što dziejničajuć u Afhanistanie, Indyi i Pakistanie (tam narod masava karystajecca kastrulami-chutkavarkami, u jakich strava hatujecca pad ciskam).
Anałahičnyja zarady ŭžyli terarysty, adkaznyja za sieryju napadaŭ u Mumbai (Indyja) u 2008 hodzie. Tady zahinuła kala 200 čałaviek. Sprabavaŭ vykarystać anałahičnuju pryładu i Fiejsał Šachzad, bambist z Tajms-skvier, u mai 2010. Šachzada bombu z chutkavarki navučyli, jak vyśvietliłasia, u pakistanskim trenirovačnym łahiery terarystaŭ.
