Łukašenka abviaściŭ padziaku Čarhincu 8

U suviazi z 35-hodździem pačatku budaŭnictva ŭ Minsku mietro Alaksandr Łukašenka abjaviŭ padziaku kalektyvu rabotnikaŭ KUP «Minskmietrabud» «za šmathadovuju plonnuju pracu, vysoki prafiesijanalizm, značny ŭniosak u budaŭnictva Minskaha mietrapalitena».

Padziaka kiraŭnika dziaržavy taksama abjaŭlena kalektyvu rabotnikaŭ AAT «Hrodnaprambud» — «za praviadzieńnie ŭ karotkija terminy i na vysokim uzroŭni ramontna-adnaŭlenčych rabot u siaredniaj škole № 2 horada Krymska Krasnadarskaha kraju Rasijskaj Fiederacyi».

Padziaka prezidenta taksama abjaŭlena:

staršyni HA «Sajuz piśmieńnikaŭ Biełarusi» Mikałaju Čarhincu — «za značny asabisty ŭniosak u sacyjalna-kulturnaje, hramadska-palityčnaje žyćcio krainy, raźvićcio i prapahandu ajčynnaj kultury i litaratury»;

načalniku budaŭničaj łabaratoryi AAT «Mostaatrad № 425» ź Viciebska Halinie Vałyniec — «za šmathadovuju plonnuju pracu ŭ budaŭničaj halinie, značny asabisty ŭniosak u raźvićcio mostabudavańnia»;

namieśniku staršyni Bresckaha abłvykankama Jakavu Buchavieckamu — «za šmathadovuju plonnuju pracu i značny asabisty ŭniosak u raźvićcio ahrapramysłovaha kompleksu»;

dyrektaru Mahiloŭskaha dziaržaŭnaha abłasnoha liceja № 3 Kanstancinu Hryharoviču — «za šmathadovuju plonnuju pracu ŭ sistemie adukacyi, značnyja dasiahnieńni ŭ prafiesijnaj dziejnaści»;

miedsiastry Dziciačaha doma-internata dla dziaciej-invalidaŭ z asablivaściami ŭ psichafizičnym raźvićci Ale Šymanovič — «za šmathadovuju plonnuju pracu, vysokaje prafiesijnaje majsterstva, značny asabisty ŭniosak u arhanizacyju miedycynskaha absłuhoŭvańnia dziaciej-invalidaŭ»;

načalniku adździeła sacstrachavańnia Fondu sacyjalnaj abarony nasielnictva Ministerstva pracy i sacyjalnaj abarony Łarysie Kapylskaj i načalniku ŭpraŭleńnia pa pracy, zaniataści i sacyjalnaj abaronie Žytkavickaha rajvykankama Natalli Makarevič — «za šmathadovuju plonnuju pracu, vysoki prafiesijanalizm, značny asabisty ŭniosak u realizacyju dziaržaŭnaj palityki ŭ śfiery sacyjalnaj abarony nasielnictva».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH