Karakas paśla vybaraŭ.
Kapryles adznačyŭ, što ŭ dzień vybaraŭ vybarščyki paskardzilisia na niaspraŭnuju pracu 535 elektronnych mašyn dla hałasavańnia, jakija mahli nie ŭličyć abo ŭličyć niekarektna 189,9 tys. biuleteniaŭ.
Akramia taho, pavodle jaho słovaŭ, na 283 vybarčyja ŭčastki, dzie hałasavali 722,9 tys. čałaviek, nie byli dapuščanyja naziralniki ad apazicyi. Narešcie, pavodle infarmacyi Kaprylesa, u śpisie vybarščykaŭ značylisia 600 tys. pamierłych.
Pavodle kančatkovych źviestak Nacyjanalnaha vybarčaha savieta, za Nikałasa Maduru, jaki nabraŭ 50,66%, prahałasavali 7,5 młn čałaviek, a za jaho sapiernika E. Kaprylesa, jaki atrymaŭ 49,07%, — 7,2 młn vybarščykaŭ.
Takim čynam, pavodle aficyjnych źviestak, Madura atrymaŭ pieramohu ź pieravahaj prykładna ŭ 235 tys. hałasoŭ.
E. Kapryles zajaviŭ, što pryznaje parazu tolki paśla pieraliku ŭsich biuleteniaŭ.
